بعد سقوطها من ألبومه الأخير.. مصير أغنية تامر حسني "أغيب عنك"

طرح النجم تامر حسني في أواخر عام 2020 ألبومه الأخير "خليك فولاذي" والذ تضمن 11 أغنية مختلفة بدلا من 12 اغنية حيث خرجت أغنية "أغيب عنك" من الألبوم.

وعلمت "فيتو" أن النجم تامر حسني قرر طرح أغنية "أغيب عنك" التي خرجت من ألبومه الأخير " خليك فولاذي"  بشكل "سينجل" في الوقت المناسب من وجهة نظره.

 وتعاون  تامر حسني  في أغنية  “أغيب عنك” مع  الشاعر رمضان محمد الذي تعاون معه في أكثر من عمل والملحن محمد جمال.

تامر حسني

وفي سياق أخر نشر  تامر حسني، مقطع فيديو من إحدى حفلاته الغنائية وذلك علي حسابه الشخصي عبر موقع التواصل الاجتماعي "فيس بوك".

 وعلق "تامر" علي الفيديو قائلا:": “المشهد دا كان اكتر مشهد بحلم بيه من وانا صغير تقريبًا كنت بشوفه كل شهر بأشكال مختلفه وكنت بسأل نفسي طب يارب انا هتشهر بالشكله دا والناس هتحبني كدا في اي مجال عشان ساعتها كنت بلعب كوره بس كان عندي اصابات كتير بدري على سني ومشاكل مع بعض المدربين اللي مقتنع بيا واللي مش مقتنع بيا فا بيخليني احتياطي موسم كامل ودا شيء محبط لإني كنت مصنف لاعب مهاري كويس”.

وتابع: "و الموضوع دا اتكرر معايا في الزمالك والأهلي والإتنين استغنوا عن خدماتي يعني زي ما تقولوا كدا في ظروف كانت بتتجمع عشان افهم ان الكوره مش مستقبلي رغم تعلقي بيها الجنوني بس اتاري ربنا كان كاتبلي مستقبل تاني وافضل ليا بس عرفت دا لما دورت جوه نفسي بجد

 وأكمل “بمساعدة او معجب ليا اول fan في حياتي والوحيد اللي كان مصدقني وهي امي يعني مهم اوي انك تدور جوه نفسك عشان لازم هتلاقي ربنا مخلقكش فاضي واتمنى من الأهل انهم يركزوا مع ولادهم في اصغر سن ليهم ويفضلوا دايمًا يكلموهم عن الحلم والطموح والنجاح..بكتب الكلام دا وواثق مليون في الميه ان فيكم حد محتاج يسمعه وكان مستنيه الإشاره جت اهي مالكش او ملكيش حجه”.