شباب "فيس بوك" يطالبون مرسي بتقديم "البرنامج"
برنامج "البرنامج" الذي يقدمه الإعلامي باسم يوسف، وتناولت حلقاته على مدى عام مضى إخفاقات حكم الرئيس المعزول محمد مرسي بسخرية، جعلت للبرنامج شعبية كبيرة دارت مشاورات في صفحات التواصل الاجتماعي حول مستقبله، فمنهم من رأى أن يتحول البرنامج لانتقاد من يصل للحكم من بعده، بينما طالب آخرون بتنازل باسم عن البرنامج لصالح مرسي وخاصة أن مرسي من أهم ضيوف البرنامج.
"فيتو كافيه" رصدت تعليقات الشباب..
لمياء عبد الحميد: مرسي يتشال والحافظ ومصر 25 والناس يتقفلوا في يوم واحد.!!! يا خربيتك يا باسم.
عبدالله الشريف: باسم يوسف أكتر واحد هيفتقد الرئيس.
مؤلش: اتنحى يا ريس.. اتنحى وقدم برنامج "الخطاب"، وانت تتفوق على باسم يوسف.
هدير السلماني: لابد أن يكون هدف المعارضة الآن قتل باسم يوسف.. الراجل ده خالي شغل دلوقتي وهيستلمنا احنا بقى.
لمياء عادل: بكرة ربنا يرزقه بغيرهم.. مصر ولادة.
منة عبد القادر عبد الله: شكله كده هيرجع دكتور تانى.
رنا مدكور: مش هيلاقى ياكل عيش.
أحمد حسان: قصدك يا خراب بيتك يا باسم.
كريم سعد الدين: الدنيا اتسدت في وشه مرة واحدة شكله بقى هيقعد يألش على نفسه.
شالنك: ع كده باسم يوسف هيرجع موظف بـ 300 جنيه.
