سمية الخشاب تتجنب اسم أحمد سعد في ردها على اختيار أفضل مطرب بالنسبة لها | فيديو

كشفت الفنانة سمية الخشاب عن أفضل صوت تحب الاستماع لأغانيه ما بين أحمد سعد وبهاء سلطان ودياب.
 

ميزة بهاء سلطان

وقالت سمية الخشاب خلال الجزء الثاني من لقائها ببرنامج "حبر سري" المذاع على قناة "القاهرة والناس": "بهاء سلطان بالنسبة لي حالة خاصة جدًّا مدرسة وإحساس وصوته مش هيتكرر، وحالة وأغانيه كلها اختياراته مميزة ومختلفة".

خامة صوت بهاء سلطان

وتابعت: "بهاء سلطان عنده خامة صوت مفيش حد زيه ومدرسة، ويا ريت أعمل معاه دويتو، ومحدش بقى يعمل ألبوم كامل، وعندي أغاني كتير حلوة ومواضيع حلوة".
 

سر سمية الخشاب القديم

وأضافت سمية الخشاب: "أنا دايمًا بتأذى بموضوع الأسحار والأعمال، وكنت زمان بتأثر بيها لكن دلوقتي لأ".

على جانب آخر، وجَّهت سمية الخشاب لجمهورها نصائحَ خلال لقائها في برنامج كلام الناس، وقالت: "احترمت نفسي وبقيت أهتم بصحتي، وأملى بطني بطبق السلطة عشان أشبع، قبل كده كنت بضرب مكرونة بالبشاميل ومحاشي زي ما قلبك يحب".

وتابعت سمية الخشاب: "أنصح كل الناس إنهم في الشتاء ياكلوا كوارع وخصوصًا الرجلين الأمامية للبقرة، هاتوها واغسلوها كويس جدًا، وادخلوا على موقع يوتيوب هتلاقوا طرق كتيرة جدًا للكوارع، مفيدة جدًا لو بتشتكوا من آلام الظهر والعظم والمفاصل، وكلها كولاجين، وحلوة قوي لِوِشُّكُم".

وكانت قالت الفنانة سمية الخشاب: إن السيدة التي "يخونها" زوجها ولا يكون لها رد فعل فإنها تستحق أن "تُخان" مليون مرة، معبرة عن اندهاشها من السيدات اللاتي يمسكن بهواتف أزواجهن لمعرفة ما به، مؤكدة أن أولئك السيدات أنها إذا عرفت شيئا عن زوجها فهناك أمور أخرى لن تستطيع معرفتها.

رسالة سمية الخشاب للسيدات

وقالت سمية: "مفيش ست تستاهل الخيانة، لو هي مقصرة يطلقها ويشوف غيرها"، وكتبت سمية الخشاب تغريدة على تويتر: "لو اتخانتي مرة وعديتيها يبقى تستاهلي تتخاني مليون مرة".

ووجَّهت رسالتها للسيدات قائلة: "مش عارفة ليه كتير من الستات بيبقوا فاكرين نفسهم أذكياء وبيمسكوا موبايلات جوازهم وقال يعني معاهم الباسورد يعني كده هو مبيلعبش بديله، حبيبتي لو مسكتي عليه حاجة في ٥٠ حاجة تانية مش هتعرفيلها طريق".

لا تستحق الخيانة

وأضافت: "يعني نسبة كبيرة من الرجالة بيخونوا إلا من رحم ربي، والمشكلة بيبقوا معاهم ستات أحلى من اللي بيخونوهم معاها".