"ممكن تقبلي تكوني زوجة تانية".. سمية الخشاب تجيب | فيديو

أجابت الفنانة سمية الخشاب عن سؤال محرج: "ممكن تقبلي تبقي زوجي تانية لو حبيتي راجل متجوز؟".
 

مشروع الزوجة الثانية

وقالت سمية الخشاب خلال لقائها ببرنامج "حبر سري" المذاع على قناة "القاهرة والناس": "لا أوافق أن أكون زوجة تانية؛ لأن الموضوع بيفشل برغم إني عمر ما كنت زوجة تانية".

تجارب زيجات فاشلة

وأضافت: "تجارب كتيرة شوفناها لأقاربنا وأصحابنا لما الراجل يتجوز من زوجة تانية مصيره يرجع لمراته الأول وعياله".

نصيحة سمية الخشاب للفتيات

وتابعت: "الست قبل لما تتجوز تسأل عن زوجها وأخلاقه وعائلته وتعطي وقت علشان تتعرف عليه، ومفيش حاجة اسمها خير البر عاجله دي كارثة، وأقل حاجة خطوبة سنة ونصف".

سمية الخشاب عن رأيها في أداء المنتخب أمام نيجيريا: كنت بعمل ضوافري

سمية الخشاب تعلق على واقعة المعلمة الراقصة على المركب: «الجهل كارثة»

وعلقت الفنانة سمية الخشاب على واقعة رقص المعلمين خلال رحلة نيلية، ما نتج عنه إحالتهم للتحقيق بعد إصدار قرار بإيقافهم.

وكتبت سمية الخشاب منشورًا عبر موقع التغريدات القصيرة "تويتر"، وقالت: "لو كل إنسان اتلهى في نفسه والله هننهض، حسبي الله ونعم الوكيل في اللي صوَّرها وخرب بيتها، انشغلوا بنفسكوا بقى كلكم عيوب.. والله الدين مين اللي نزله؟ ربنا ولا البني آدمين؟ ربنا.. يبقى اللي يحاسب ربنا مش شوية بني آدمين كلهم غلط وعيوب، صلَّحوا من نفسكم بدل ما تأذوا الناس وتخربوا بيوتهم".

على جانب آخر، وجَّهت سمية الخشاب لجمهورها نصائحَ خلال لقائها في برنامج كلام الناس، وقالت: "احترمت نفسي وبقيت أهتم بصحتي، وأملى بطني بطبق السلطة عشان أشبع، قبل كده كنت بضرب مكرونة بالبشاميل ومحاشي زي ما قلبك يحب".

وتابعت سمية الخشاب: "أنصح كل الناس إنهم في الشتاء ياكلوا كوارع وخصوصًا الرجلين الأمامية للبقرة، هاتوها واغسلوها كويس جدًا، وادخلوا على موقع يوتيوب هتلاقوا طرق كتيرة جدًا للكوارع، مفيدة جدًا لو بتشتكوا من آلام الظهر والعظم والمفاصل، وكلها كولاجين، وحلوة قوي لِوِشُّكُم".

وكانت قالت الفنانة سمية الخشاب: إن السيدة التي "يخونها" زوجها ولا يكون لها رد فعل فإنها تستحق أن "تُخان" مليون مرة، معبرة عن اندهاشها من السيدات اللاتي يمسكن بهواتف أزواجهن لمعرفة ما به، مؤكدة أن أولئك السيدات أنها إذا عرفت شيئا عن زوجها فهناك أمور أخرى لن تستطيع معرفتها.

رسالة سمية الخشاب للسيدات

وقالت سمية: "مفيش ست تستاهل الخيانة، لو هي مقصرة يطلقها ويشوف غيرها"، وكتبت سمية الخشاب تغريدة على تويتر: "لو اتخانتي مرة وعديتيها يبقى تستاهلي تتخاني مليون مرة".

ووجَّهت رسالتها للسيدات قائلة: "مش عارفة ليه كتير من الستات بيبقوا فاكرين نفسهم أذكياء وبيمسكوا موبايلات جوازهم وقال يعني معاهم الباسورد يعني كده هو مبيلعبش بديله، حبيبتي لو مسكتي عليه حاجة في ٥٠ حاجة تانية مش هتعرفيلها طريق".