فتاة بمنتدى شباب العالم لـ السيسي: أنا خايفة وقلقانة.. والرئيس يعلق
قالت إحدى الفتيات المشاركات في جلسة الإعلاميين الأجانب على هامش منتدى شباب العالم وتدعى "سالي": "يا ريس أنا نفسي أحقق حاجات كتير في حياتي بس جوايا خوف وقلق وطول الوقت خايفة طالبة من حضرتك بخبرتك نصيحة أبوية ازاي اتخلص من الخوف اللي جوايا".
رد السيسي
وضحك الرئيس عبد الفتاح السيسي معلقًا: "خايفة من إيه؟ أنتِ شابة صغيرة لسه والدنيا كلها قدامك، يؤلمني انك تبقي قلقانة وخايفة ومش عايز أسألك قدام الناس أنتِ خايفة من إيه، ولكن عايز أقول لك إنك قد بنتي الصغيرة والعمر كله قدامك وتقدري تحققي فيه كتير ومتخافيش إذا كان علي مصر متخافيش، وجوا مصر متخافيش لأن الدولة دى حافظها ربنا والا كانت راحها زي ما غيرها راح، ومش احنا اللى حافظنا عليها، ولو حد في مكاني كان يقدر يقول انا اللى حافظت ولكن لأ والله اللى حافظ علي مصر ربنا وله الحمد والشكر والثناء العظيم انه عمل معانا كده، والأمور في مصر من حسن إلى أحسن، واحنا موجودين علشان نعمر علشان نحقق الحلم لينا كلنا".
دعاء السيسي للفتاة
وتابع: "ما تخافيش وربنا يحفظك ويأمنك من القلق والخوف".
تخرج دفعات الأكاديمية الوطنية
وشهد الرئيس عبد الفتاح السيسي حفل تخرج دفعات الأكاديمية الوطنية للتدريب دفعات الفريق محمد العصار والعقيد شهيد أحمد منسي.
ويشهد اليوم الخميس ختام فعاليات النسخة الرابعة من منتدى شباب العالم، برعاية وحضور الرئيس عبد الفتاح السيسي.
وافتتح الرئيس عبد الفتاح السيسي النسخة الرابعة من منتدى شباب العالم في مدينة شرم الشيخ، تحت شعار «العودة معًا»، حيث يستضيف المنتدى نخبة من الشباب من 196 دولة من قارات؛ أفريقيا، أوروبا، آسيا، أمريكا الشمالية، أمريكا الجنوبية، وتستمر فعاليات المنتدى حتى 13 يناير الجاري.
وانطلقت فعاليات النسخة الرابعة من منتدى شباب العالم، برعاية وحضور الرئيس عبد الفتاح السيسي حيث توجهت أنظار العالم إلى مدينة شرم الشيخ بمحافظة جنوب سيناء لمتابعة فعاليات النسخة الرابعة من منتدى شباب العالم الذى يعقد خلال الفترة 10 - 13 يناير الجارى، بحضور ورعاية الرئيس عبد الفتاح السيسى، ويعود المنتدى هذا العام عقب تأجيل نسخة العام الماضى بسبب جائحة كورونا لفتح آفاق الحوار مجددًا بين شباب مصر والعالم، فضلا عن طرح أصحاب الحلم والإرادة رؤيتهم لتحقيق التنمية على كافة المستويات.
منتدى شباب العالم هو حدث سنوي عالمي يقام بمدينة شرم الشيخ في جنوب سيناء، تحت رعاية الرئيس عبد الفتاح السيسي. وقد انطلق المنتدى عبر ثلاثة نسخ في الأعوام الماضية 2017 و2018 و2019. ويهدف المنتدى إلى جمع شباب العالم من أجل تعزيز الحوار ومناقشة قضايا التنمية، وإرسال رسالة سلام وازدهار من مصر إلى العالم. وقد اعتمدت لجنة التنمية الاجتماعية التابعة للأمم المتحدة، النسخ الثلاث السابقة من منتدى شباب العالم في مصر، كمنصة دولية لمناقشة قضايا الشباب.
