طالبوا بمحاسبة اتحاد الكرة.. غضب نشطاء التواصل لشرط فسخ عقد كيروش
خلفت حالة فسخ تعاقد كارلوس كيروش مع منتخب مصر، جدلًا شديدًا وغضبا بين نشطاء مواقع التواصل الاجتماعي، وخاصة بعد الكشف عن شرط فسخ عقد كيروش، حيث سيحصل على راتبه كاملا لمدة سنة ونصف وليس الفترة المتبقية في عقده، ما يمنع اتحاد الكرة من فسخ عقد كيروش حاليًا مع المنتخب، برغم النتائج السيئة التي حققها مؤخرًا.
الشرط الجزائي لعقد كيروش
النشطاء طالبوا بمحاسبة من وقع عقد المدرب البرتغالي كارلوس كيروش، ووافق على الشرط الجزائي المدرج في العقد في حالة فسخ التعاقد مع كارلوس كيروش.
عبر عمرو عبد الحكيم عامر عن استيائه فقال: "اى شرط جزائى بيكون شهر او شهرين من المرتب...انما سنه وثمانيه شهور ده يبقى فساد بجح ويجب المحاسبه.. والسبوبه عاليه اوى.. هوا العقود دى نش المفروض بتتراجع"
أما عضو رابطة النقاد الرياضيين محمد مهدي فعلق قائلًا: "عقد كيروش حتى ديسمبر فقط.. وراتبه ٧٠ ألف يورو.. إذا فشل في التأهل إلى كأس العالم (في شهر مارس) يتم فسخ العقد تلقائيًا دون الحصول على شرط جزائي.. في حال الوصول إلى كأس العالم ينتهي عقده تلقائيا.. اذا تم فسخ العقد حاليا (قبل المرحلة الأخيرة من تصفيات كأس العالم) يتقاضى راتبه حتى ديسمبر وليس سنة نصف كما ذكر عامر حسين"
فسخ عقد كيروش
وقال الناقد الرياضى منتصر الرفاعي "تخيلوا عقد كيروش ومعاونيه ١٣٠ ألف يورو شهريًا وأنه فى حالة فسخ عقده يحصل على راتبه لمدة سنة كاملة مرة ونصف يعنى يأخد وجهازه تقريبا ٢مليون ونص يورو يعنى بالجنيه المصري الجميل تقريبا ٤١مليون و٤٠٠ الف جنيه والشعب يتحرق بخططه وأفكاره الخزعبلاية.. ولما يبقى الأخ فينجادا بيأخد ٦٠٠ ألف جنيه شهريا ولو فيه عقده يأخد شرط جزائي راتب سنة كاملة يبقى مال سايب. اللى عمل العقد ده لازم يتحاكم واللى جاب كيروش وجاب اللى جاب كيروش لازم يتحاكم!!"
أما الدكتور أحمد الجندي فعبر عن غضبه قائلًا: "بعد ما الكل هاج وماج وثار لكرامه الكرة المصرية والمنتخب، وقال علي كيروش مدرب فاشل مثل ما فعلت انا بالامس.. اليوم اقول احنا آسفين يا كيروش احنا نستاهل عشان سايبين الفاسدين يتحكموا في الكرة المصرية واحنا شايفين وعارفين انهم فاسدين خد المعلومة دي "عقد كيروش ينص علي انه في حالة فسخ التعاقد يأخد مرتب سنة ونصف.. ومرتب الشهر ١٣٠ الف دولار يعني كده حوالي ٣٨ مليون جنيه مصري شرط تعجيزي وضعته لجنه مؤقته يتحكم فيها... عشان يضمن استمرار السبوبة مفيش نادي مش منتخب يضع مثل تلك الشروط في عقد المدربين المعلومة الثانية ان اتحاد الكرة حساباته في البنوك فيها ٢٠٠ الف دولار فقط تم صرفها pocket money للمنتخب عشان يسافر بها كاش، كيروش قاعد علي قلبنا وعليكم إما التوقف عن مشاهدة مباريات المنتخب، أو تحضير ادوية ضغط وسكر وحجز سرير في العناية والله الموفق والمستعان"
راتب سنة ونصف لكيروش
أما الكاتب والباحث عمرو عمار فقال: "تخيل يا مؤمن الاتحاد الجديد بيراجع عقد كيروش لقى الشرط الجزائي في حالة فسخ العقد راتب سنة ونصف وليس عن المدة المتبقية، من المعروف أن أي شرط جزائي. في أي حته في الدنيا بيكون شهرين أو مبلغ متفق عليه لكن سنة ونص. دي تشير إلى أي مدى وصل الفساد داخل العزبة اللي اسمها اتحاد الكرة ايه ده يا... القلب الميت ده"
وقال محمد جمال "صدق أو لا تصدق… أحمد مجاهد وضع شرط جزائي في عقد كيروش يحصل من خلاله المدرب البرتغالي ٤٢ مليون جنيه في حالة رحيله بعد كأس الامم، وفي حالة فسخ العقد يحصل على راتب سنة ونصف وليس المتبقي في عقده، هذا ما تم إبلاغنا به. مرتب كارلوس كيروش شهريًا مبلغ 85 ألف دولار أي ما يعادل مليون و326 ألف جنيه مصري بالإضافة إلى شقة فاخرة للسكن وسيارة بسائق دائمة التواجد مع البرتغالى. ده انتم كنتم مبيتين النية ومتقاسمين مع كيروش... مين يحاسب في البلد دي"
أما علي محمد البربري فعبر عن استيائه قائلًا: "حد سمع فى تاريخ التعاقدات في العالم فسخ العقد شرط جزائي سنة ونص لمدرب اصلا كان لا يعمل وجالس في بيته بدون تعاقدات أقصي شرط لأكبر مدرب شهرين ثلاث بالكتير اووي ازاي سنة ونص ده معمول علشان البهوات نسبتهم في التعاقد الشهري تستمر لان مفيش رقابة والا حساب علي مال الدولة في الرياضة"
المضحكات المبكيات
وقال محفوظ مكسيموس "من المضحكات المُبكيات: شرط فسخ عقد كارلوس كيروش يحتوي على شرط جزائي يفرض علي إتحاد الكرة المصري دفع قيمة العقد كامل ( سنتين ) مرة ونصف يعني الراجل قاعدله في العقد ( ٢٠ شهر ) وبكدة الشرط الجزائي يبقي ( ٣٠ شهر واجبة الدفع بقيمة تقريبية تصل ل ٤ مليون دولار ) لكارلوس اللي اتعاقد معاه وكيل محمد صلاح عن طريق وكيله ( رامي عباس). محمد صلاح تخيل إنه لما بقي عالمي يبقي يدير المنتخب ويجيب المدرب واللاعيبة ويحط الخطة !!!! وفينجادا اللي شغال (مستشار رياضي لإتحاد الكرة المصري) بيتقاضي (٧٥ الف دولار شهريا) وماحدش في الدنيا عارف إيه ال (Job Description ) من الأخر كدة وظيفة معمولة للعمولات وبس.. السؤال بقي: اللي عمل العقد (بتاع كيروش وفينجادا) واللي وافق عليه هيتحاسبوا بتهمة إهدار المال العام ولا البلد دي مالهاش صحاب يسألوا عليها"
أما وجدي حامد فقال: "تخيلوا عقد كيروش ومعاونيه ١٣٠ ألف يورو شهريا وأنه فى حالة فسخ عقده يحصل على راتبه لمدة سنة كاملة مرة ونصف يعنى يأخد وجهازه تقريبًا ٢مليون ونص يورو يعنى بالجنيه المصري الجميل تقريبا ٤١مليون و٤٠٠ الف جنيه والشعب يتحرق بخططه وأفكاره الخزعبلاية.. ولما يبقى الأخ فينجادا بيأخد ٦٠٠ ألف جنيه شهريا ولو فيه عقده يأخد شرط جزائي راتب سنة كاملة يبقى مال سايب. اللى عمل العقد ده لازم يتحاكم واللى جاب كيروش وجاب اللى جاب كيروش لازم يتحاكم!!"
