حوار مع إخواني عائد من رابعة
ذهب اليوم إلى عمله عائدا من رابعة العدوية، إنه شاب إخواني بصحيح مقتنع ومؤمن إيمان كامل الأوصاف بفكر الجماعة وإنها هي الجماعة الوحيدة اللي هتنصر الإسلام.. لأ دي هي الإسلام بشحمه ولحمه..
المهم إن محرر وكالة هريدي نيوز قرر أن يجري معه حوارا جاء في السطور التالية:
* لماذا تركت ابنتك الصغيرة أم ضفاير ورحت قعدت يومين في رابعة؟
** تطبيقا لقول سيدنا صفوت حجازي إن الوقوف في رابعة أفضل في الثواب من الوقوف بعرفة وأنا راجل فقير ومعنديش فلوس أحج فقلت ما أحرمش نفسي من الفريضة ما دام قربت عندنا هنا وبدال ما أسافر السعودية أهي رابعة أقرب برضو.
* وصدقته وصدقت كلامه؟
** وما أصدقش ليه؟ ما هو واحد من أئمتنا ودعاتنا ومش هيقول حاجة غلط وأنا أقسمت إني أسمع كلام اللي فوقي في اللي فوقي في ترتيب تنظيم إخوانا.
* أنا سمعت إنه قال لكم كمان إن اللي يموت نحط معاه صورة المعزول لتخفيف عذاب القبر؟
** قول لا إله إلا الله واوعى تقول معزول تاني أحسن ده حرام ثم إن كلام سيدنا الشيخ صفوت صحيح لأن مرسي اختيار رباني وصلى إمام والرسول صلى وراه وكمان سيدنا جبريل جه صلى معانا الجمعة في رابعة.
* شفت سيدنا جبريل؟
** لأ اخواتنا الكبار في الجماعة أكدوا لنا على ده.
* انت ليه واثق أوي كده فيهم؟
** مش ثقة بس هي كبرت في دماغنا نرجع تاني وخلاص يا عم الناس يقولوا علينا إيه؟ كدابين؟ لأ لازم نثبت إننا كنا صح حتى لو إحنا مش مقتنعين وكمان دي آخر فرصة إما نحيا أو نموت إلى الأبد يبقى لازم نصدق ولا لأ؟
** جبت لي معاك سبحة وجلابية بيضا من رابعة واللا لأ؟
* انت مجنون؟ هو أنا كنت بحج أنا اتهريت في الشمس.
هنا انتهي الحوار!!
