السيسي من كاتدرائية ميلاد المسيح: احنا في بيت من بيوت ربنا | فيديو

وجه الرئيس عبد الفتاح السيسي، خلال تهنئته الأخوة الأقباط بعيد الميلاد المجيد، عددًا من الرسائل المهمة للمصريين.

رسالة السيسي للمصريين

وقال الرئيس السيسي: "احنا في مصر بدأنا طريق عاهدنا فيه ربنا وعاهدناكم وبدأناه مع بعض وإن شاء الله هنكمله مع بعض، الطريق ده الجمهورية الجديدة اللي تتسع للجميع كلنا بدون أي فرق أو تمييز ونعيش فيها بسلام وأمان مع بعض وبقول لكل المصريين مش لحد بعينه اوعوا حد يدخل بينا أو يفتنا لأن ده مش هينتهي وكل أما ننجح وبحذر من أي محاولة للتفرقة بين المصريين، وربنا يعيني أكون خادم أمين شريف للبلد".

كاتدرائية ميلاد المسيح

وتابع: "البلد بلدنا كلنا تسعنا كلنا واحنا  موجودين في كاتدرائية ميلاد المسيح وهي بيت من بيوت ربنا واللي حامي البلد دي ربنا سبحانه وتعالي ودايما ندعوه ونتوسل إليه ونرجوه يحمينا ويبارك لنا وبيسبب الأسباب، والجمهورية الجديدة جمهورية الحلم والأمل والعلم والعمل والقادرة وليست الغاشمة المسالمة وليست المستسلمة وهنبنيها مع بعض وأي تحدي أو صعاب تهون لو احنا كلنا على قلب رجل واحد كلنا مع بعض، وكل عام ومصر بخير وكنت أتمنى أسلم عليكم كلكم وأهنيكم كلكم لكن ربنا يزيح عنا جائحة كورونا ويحمينا ويحميكم وكل سنة وأنت طيب يا قداسة البابا، انتوا متعرفوش حجم التقدير والاحترام والمحبة اللي بكنها لقداسة البابا، والرجال توزن بالمواقف والظروف الصعبة جدًّا وقداسة البابا انتوا كمان لازم تخلوا بالكوا منه".

ووجه الرئيس عبد الفتاح السيسي التهنئة للأقباط بمناسبة عيد الميلاد المجيد قائلًا: كل سنة وانتم طيبين وتكون سنة خير ورحمة ونعمة من الله سبحانه وتعالى.

وقال الرئيس السيسي: أتحدث إلى كل المصريين بالتأكيد على تكملة المسيرة معًا.

وقال الرئيس: بحذر من أي محاولات للتفرقة، مضيفا: أي تحدي يهون طالما المصريين على قلب رجل واحد.

وصول السيسي إلى كاتدرائية

واستقبل شعب الكنيسة القبطية بكاتدرائية ميلاد المسيح بالعاصمة الجديدة الرئيس عبد الفتاح السيسي بالورود والزغاريد ولافتات السيسي رئيسي.

ووصل الرئيس عبد الفتاح السيسي إلى كاتدرائية ميلاد المسيح بالعاصمة الجديدة لتهنئة قداسة البابا تواضروس الثاني بابا الإسكندرية وبطريرك الكرازة المرقسية وأقباط مصر بمناسبة الاحتفال بعيد الميلاد المجيد.

كما بعث الرئيس السيسي ببرقية تهنئة إلى قداسة البابا تواضروس الثاني بابا الإسكندرية وبطريرك الكرازة المرقسية بمناسبة الاحتفال بعيد الميلاد المجيد.

كما هنأ الرئيس السيسي، أقباط مصر بالخارج، بمناسبة عيد الميلاد المجيد.

السيسي من كنيسة العاصمة الجديدة: أنا خادم أمين وشريف للبلد..أي تحدي يهون طالما المصريين على قلب رجل واحد..الجمهورية الجديدة هي جمهورية الحلم والأمل والعمل..ويحذر من أي محاولات للتفرقة

كنيسة ميلاد المسيح بالعاصمة الجديدة.. رسائل قوية من السيسي للمصريين

ويترأس البابا تواضروس الثاني قداس عيد الميلاد المجيد بكاتدرائية ميلاد المسيح وسط إجراءات احترازية مشددة من كورونا حيث يشارك في القداس لفيف من أساقفة الكنيسة القبطية الأرثوذكسية وخورس الشمامسة والذي يترأسه الأرشيدياكون إبراهيم عياد رئيس شمامسة الكاتدرائية بالإضافة إلى عدد من الوزراء الحاليين والسابقين.