شاهد.. تفاعل نجوم الفن مع أغنية "تعالى أدلعك" على طريقتهم الخاصة
نشر المنتج نصر محروس مقطع فيديو مجمع لعدد من النجوم يتفاعلون فيه مع الأغنية الأخيرة للنجم بهاء سلطان “تعالى أدلعك”.
وظهر خلال الفيديو الملحن والفنان عزيز الشافعي، والفنان إياد نصار، والفنان محمد جمعة، والفنانة دانا حمدان، ودندن كل منهم الأغنية على طريقته الخاصة.
أغنية تعالى أدلعك
أغنية "تعالى أدلعك" كلمات: عزيز الشافعي، ألحان: عزيز الشافعي، تسجيل صوتي: أكرم عادل، ميكس والماستر بإستوديو إم ساوند ۲: أمير محروس، رؤية فنية: نصر محروس، إنتاج: فري ميوزيك - نصر محروس
وتعد هذه الأغنية أول تعاون بين بهاء سلطان ونصر محروس بعد تصالحهما بواسطة الفنانة إسعاد يونس في برنامجها “صاحبة السعادة”.
وقال المنتج نصر محروس خلال البرنامج عن هذا الصلح: "اتشتمت كتير أوي على السوشيال ميديا بسبب أزمتي مع بهاء سلطان، وأنا ما كنتش موقف بهاء عن الشغل، والمشكلة في أساسها عدم احترام العقود".
مشكلة نصر محروس وبهاء سلطان
وأضاف خلال لقائه ببرنامج "صاحبة السعادة" الذي تقدمه الفنانة إسعاد يونس بقناة "دي إم سي": "ضايقتني الشتائم التي وجهت ليا والهجوم اللي تعرضت له بسبب أزمة بهاء سلطان ومحبتش أرد لأننا في الآخر ما ينفعش ننشر غسيلنا قدام الناس، لازم نقف عند العشرة والعيش والملح والجدعنة وإحنا مصريين في الآخر ولازم نكبر للعشرة".
علاقة جديدة مع بهاء سلطان
وتابع: "هبني آخر طوبة وبهاء سلطان ماشي من عندي، وأنا متنازل عن ماديات وسنين عمر، بس اللي مفرحني أني مبسوط وبهاء سلطان أخويا والحاجة رايحة بيت أخويا ومش مهم أي حاجة، واللي يهمني أنه ينجح ويرجع تاني".
نجاح إسعاد يونس في إتمام الصلح
ونجحت الفنانة إسعاد يونس في إتمام الصلح بين بهاء سلطان ونصر محروس، خلال حلقة برنامج "صاحبة السعادة".
وقال نصر محروس: "بهاء سلطان حبيبي وروح قلبي وعشرة سنين وأيام الشقا وده أقوى من أي مشاكل أو ماديات أو تعاقدات ويكفي الحب اللي بيننا وهو أطيب حد في الدنيا وهتفضل إيدي خدامة ليك طول العمر وربنا يسامح اللي شتمني، ولو بسامح في فلوس بيننا لأخويا وبيت أخويا وما ينفعش أخون اللي بنيت وأهد"، ليرد بهاء سلطان:"على رأسي بعيد عن المشاكل واللي حصل، وهو قال لي أنا هفضل في ضهرك حتى لو بعدت عني، ولك معزة في قلبي والحمد لله إن ربنا وصلك الإحساس الحلو اللي جوايا ليك، احنا بقالنا 23 سنة مع بعض".
نهاية أزمة بهاء سلطان ونصر محروس
وأكد نصر محروس: "بهاء سلطان فري من نصر محروس وهفضل خدام له فنيًّا وإنسانيًّا؛ وعمري ما هكون سبب عثرة في طريقه ولا هو ولا شيرين ولا تامر حسني"، ليرد بهاء سلطان: "كنت بحلم إننا نبقى إخوات وعلاقتنا تبقى كويسة، والحمد لله ده اللي حصل".
