رسائل نارية من السيسي للحكومة والقطاع الخاص والعمال وأهل الشر

وجه الرئيس عبدالفتاح السيسي التهنئة للحكومة وقطاع الأعمال على افتتاح مصنع كيما ومحلج الفيوم المتطور.

وقال:"أهنيكم.. قطاع الأعمال والحكومة على المشروع ده والافتتاحات سواء مصنع كيما ومحلج الفيوم، ويمكن في المناسبات الجميلة دي نقول كلام جميل".

وأضاف: مش هنسى شاب قالى مصنع كيما بيرمي مخلفات في النيل وعملوا حاجة علشان الريحة متطلعش.. وخدناه وروحنا وقولناله احنا شغالين في ده وهنعمله".

وقال الرئيس: الوزير بيقول بعنا الأرض علشان ناخد قروض.. بعنا الاراضى علشان ده ونجيب جزء من الفلوس.. مش عاوزين نرجع تاني للخراب والمصنع ده بعد شوية يرجع يتدهور تاني.. في 3 حاجات التسعير والإدارة والحوكمة بنعمل إجراء علشان نحقق التسعير علشان يبقا سعر مناسب للزراعة فى مصر".

وأضاف الرئيس السيسي: الطن كان بتمن ودلوقتي بتمن تاني، نتيجة السنتين اللى فاتوا.. وبالتالى عاوز تصدر وعاوز احتياجات السوق والاسعار في السوق مدعومة والسعر وصل الى تلت السعر اللى في العالم.

وتابع  الرئيس: التسعير محتاج دايما ازاى نحل فيه وهقول للمزارعين ووزارة الزراعة يا جماعة نظم الري الحديثة الزراعة الحديثة تخلي كمية الأسمدة المستخدمة اقل بنسبة 50 او 40 % بدل ما تشترى شيكارتين تشترى واحدة أصدرها بره".

واستعرض الرئيس بعض أوضاع الدولة المصرية في الماضى، قائلا: "لن انسى عام 2011.. والمفروض يا مصريين مش تنسوا العام ده.. كل إجراء وخطوة مش تنسوا العام ده.. اللى أنقذكم ربنا وحده.. وربنا اللى أنقذ البلد دى من مصاير الخراب والدمار.. ولأجل خاطر الـ 100 مليون مصري". 

وأضاف الرئيس السيسي: "ربنا انقذ البلد دى علشان البسطاء والغلابة.. لحكمة إلهية وربنا انقذها.. وهل هنكرر نفس المسار تانى.. لا طبعا.. الكلام ده لو هيزعلكم انا هاجى عليكم.. علشان خايف على البلد..مش تزعل الا على نفسك وانك ممكن تكون سبب في دمار بلدك وخرابها".

وقال الرئيس السيسي، أن المصانع الجديدة يجب أن يتوافر لها عناصر النجاح بشكل كامل، قائلا: "أنا عاوز فرص نجاح للمصانع والشركات الجديدة منعا لتكرار اللى فات

وأضاف: اى مستثمر أو قطاع خاص لما بيعمل مصنع جديد مش بيكون عنده مشكلة في تحديث العمل داخل المصنع ده.. لانه قاعد بيدير صح.. الإدارة الجديدة مفيش فيها خواطر.. مش هعين حد في المصنع ملوش لزمة.. علشان قريبى أو معرفتى أو كلام هذا القبيل". 

واستكمل الرئيس السيسي: القطاع الخاص شريك معانا.. هيدفع ويبقى معانا بفلوسه بقى.. بتوع قطاع الاعمال هيزعلوا منى.. انا بتكلم في مصلحة أكبر.. بتكلم في مصلحة البلد.. انها تعيش وتكبر.. البلد تعيش وتكبر وتبقى المصانع عبارة عن أداة في الاقتصاد ورفاهية المجتمع.. وده مش هيحصل إلا لما تبقى منضبط في التعيين والتشغيل".

وقال الرئيس السيسي: أنا لا بخاف ولا بيهمني إلا البلد، العمر ده بتاع ربنا والمكان اللي فيه بتاع ربنا".

وأكد الرئيس السيسي أن الدولة المصرية ترحب بالقطاع الخاص، قائلا: "القطاع الخاص عاوز يتفضل معانا في المصانع والمشروعات الجديدة يتفضل.. وده كلام بقوله لرابع مرة.. اهلا وسهلا بالقطاع الخاص.. احنا محتاجين القطاع الخاص معانا.. احنا أثبتنا أننا غير أكفاء في الإدارة على مدار 40 سنة اللى فاتوا.. ده عيب عيب الاستمرار على نفس المسار والاقتراض علشان التطوير.. وبعد شوية اانا مش مش هكون موجود والوزير كمان مش هيكون موجود والمصانع دى تتدهور تانى لان منظومة الأداء نتائجها الحقيقية حاجة".

وأضاف الرئيس السيسي: "الحوكمة.. كل قرش بيتصرف في المصانع دى وكل لمبة شغالة.. بقول كل قرش.. ولو حطينا في دماغنا.. الحملة اللى بتنقل العمالة جزء من الحوكمة.. هنقول منين.. القطاع الخاص بيعمل كده.. والوزير هشام أكثر واحد شوفته في قطاع الاعمال حريص على الإصلاح.. مش انت جيت قولتلى الناس بنت على أراضى قطاع الاعمال فلل وشاليهات وبيوت يا دكتور مصطفى.. كل مصنع كان موجود له حتة أرض زيادة.. ونعمل جمعية وبنبى مساكن للعمال وماله.. ولكن كل حاجة لازم تكون بحساب.. ده مش تكون الكهرباء والمياه والغاز على الشركة.. مش مندهشين ومستغربين.. عرفتوا ليه بلدكم كانت هتروح في 2011.. وكانت هتتخرب وتضيع وانا بتكلم ليه علشان البلد".

وقال الرئيس السيسي،:إن التسعير نقدر نحله إزاى مع وزارة الزراعة وكنا قلنا يا جماعة حاولوا تقدموا الدعم المقدم للمزارعين الى فلوس تتحط، عاوز أدى للفلاح دعم في شيكارة ولا اثنين طبقا للمعايير المعمول بيها للفدان طيب ما ادهاله دعم نقدى علشان أحرر وأمنع الفساد المحتمل في إدارة المنظومة اللى مشيين فيها".

وقال: مش ده التجربة بتاعتنا على مدى 50 سنة، طيب التجربة دى مش قابلة للتصويب وده معناه ان اللى قابلنا مش كانوا وحشين..لكن التجربة قالت انها لازم تتصلح..نصلحها ولا نقعد نتفرج عليها..كلموا الناس زى ما انا بتكلم هتجدوا الناس معاكم اكتر مما تتخيلوا.لأن الناس عاوزة المصلحة والمواطن عاوز المصلحة ومصلحة بلده واستحمل معانا السبع سنين اللى فاتوا في إجراءات صعبة جدا لانه حس بفطرته وذكائه ان فعلا فيه محاولة للإصلاح من جانب الدولة".

وأكد الرئيس السيسى، أن الدولة المصرية تسعى للحفاظ على العمالة خلال عملية الإصلاح في قطاع الأعمال، قائلا: "كل النقاش في عملية الإصلاح في قطاع الأعمال شايفين العمالة والحفاظ على حقوقها.. وبنحاول نعمل إصلاح ممكن ندهوس في الناس لا طبعا.. كل إجراء للتصويب والإصلاح لا يمكن يكون على حساب العمال". 

وأضاف الرئيس السيسي: "العامل ملوش ذنب في عملية الإصلاح.. وبالتالي مفيش إجراء إلا بنأكد الحفاظ على حقوق العمال.. والدولة فقط تتحمل التكلفة.. ومش العامل.. اهل الشر بياخدوا الكلام وبيعملوا عليه.. الإصلاح لن يكون على حساب حقوق العمال".

المشروعات القومية الجديدة

ويتفقد الرئيس عبد الفتاح السيسي اليوم مصنع اليوريا ونترات الأمونيا بمنطقة كيما بمحافظة أسوان.

وقال السفير بسام راضي المتحدث الرسمي باسم رئاسة الجمهورية، إن الرئيس يقوم كذلك بتفقد محطة سكك حديد أسوان، حيث يشهد الرئيس تدشين الوحدات المتحركة الجديدة بمختلف أنواعها من قاطرات وعربات السكك الحديدية.

كما افتتح الرئيس السيسي من محافظة قنا سلسلة من المشروعات القومية الجديدة بمختلف القطاعات بصعيد مصر.

كما تفقد الرئيس السيسي عددًا من المشروعات القومية الجديدة بصعيد مصر، كما استمع إلى عروض وشروح تفصيلية عن العديد من تلك المشروعات

كما شهد الرئيس السيسي افتتاح عدد من المشروعات التنموية بمحافظات الصعيد خاصة في مجال الزراعة، ومنها مشروع توشكى الخير، وذلك ضمن فاعليات "أسبوع الصعيد".

كما تفقد الرئيس السيسي مجمع بنبان للطاقة الشمسية بمحافظة اسوان، كما افتتح عددًا من المشروعات التابعة لقطاع الكهرباء بمحافظات الصعيد.

وتأتي افتتاحات المشروعات القومية ضمن فاعليات "أسبوع الصعيد" في إطار جهود الدولة لتحقيق نهضة تنموية وخدمية متكاملة لأهل الصعيد، وتوفير فرص عمل مباشرة وغير مباشرة، حيث تتضمن الافتتاحات عددًا من المجمعات الصناعية والمحاور والطرق لا سيما المحاور العرضية على نهر النيل.