بعد حديث خالد عليش عن اشتياقه لابنته.. طليقته: يرفض رؤيتها وعايز الترند
حالة من السجال بين الممثل والإعلامي خالد عليش وطليقته ميما الشامي، وذلك بسبب رؤية ابنته الصغيرة ميما، فخالد ذكر على إنستجرام أنه يفتقد رؤية ابنته الصغيرة فقال " اكتر حاجة مفتقدها هي الابتسامة البريئة ديه وحضنها الدافي بصوابعها الصغنونة قبل النوم ربنا يجمعني بيكي علي خير دايما".
عليش رفع قضية رؤية
لترد عليه طليقته ميما الشامي أنها لم تمانع من رؤيته لابنته، وكان يراها بانتظام، لكنها فوجئت أن عليش رفع قضية رؤية لابنته، وبالرغم من طلبه لرؤية طفلته الصغيرة في النادي أو مركز للشباب ورفضه مقابلتها في المنزل، لكنه لم يحضر لرؤيتها بسبب الأوراق الرسمية.
وقالت ميما الشامي أن عليش يريد بطلبه رؤية ابنته أن يتصدر التريند، لا رؤية ابنته التي امتنع بنفسه عن رؤيتها.
وكتبت ميما الشامي، طليقة خالد عليش، عبر حسابها بإنستجرام "بعد الطلاق الرسمي اتفقنا على رؤية البنت، وكان بيشوفها بانتظام وبشهادة كل الناس، وبشهادة المدرسة، اللي بيني وبينها إيميلات أنه كان بياخدها من المدرسة، مش هتكلم عن الفترة ازاي كانت ضغط عصبي عليا وكان بيتم إهانتي ازاي وكنت بتحمل عشان مصلحة البنت والفترة من دة من شهر 3-2021، إلى شهر 11-2021، وفجأة وهو في عيد ميلاد البنت عرفت أن في قضية مرفوعة من شهر 12 وفي الوقت ده مكنش معايا اي محامي لأني تنازلت عن كل القضايا مقابل قضية جنائية كان رفعها على أم بنته واللي كنت زوجته في الوقت ده".
عليش يرفض رؤية ابنته
وقالت: "ومن كتر سذاجتي افتكرت انها حاجة أو قضية قديمة وطلبت من الأب التحقق من ده وكان رده لا.. كل حاجة قديمة خلصت، واتضح أنه رفع رؤية من شهر 12 واتحكم فيها والاستئناف خلص، وانا معرفش طب ليه في ايه ليه تشوف البنت في نادي أو مركز شباب، ومن يومها بنروح أنا والبنت مركز الشباب وهو مش بيروح وحجته انه مش عايز يبهدل البنت، والسبب الرئيسي هو الشهرة والترند ومن يومها لا راضي يشوف في النادي ولا يتنازل عن القضية، كلفني إني أشوف حل قضائي مع محامي وحصل وكتبنا صيغة جديدة، لكن للأسف النادي مرفوض وامضائه على ورق التنازل مرفوض"
وتابعت ميما الشامي: "والنتيجة اللي بتتقال وبتزل صور قديمة للبنت، وقد ايه نفسه يشوفها ومش عارف وانا كلامي تعالي النادي أو تعالي عند ماما وهات ما يثبت برؤية البنت.. للعلم شافها أكثر من مرة في النص من غير ورق ومن غير نادي، اخرهم أول ما رجع من السفر وما ردتش اعترض، مع خوفي الشديد من الفيروس المحتمل يكون حامله وهو راجع من جنوب افريقيا".
ابنته مريضة صدر
وقالت "بنته مريضة صدر مزمن وكنت بتهدد من فترة انه هيلجأ للسوشيال ميديا للأسف الحرب دى اللي مش معروف سببها محدش بيدفع ثمنها غير ميما الصغيرة"
وأوضحت ميما الشامي أن الموضوع "فيه تفاصيل كثيرة"، وأن طليقها خالد عليش تحدث مع أمهات أصدقاء طفلتها ميما في المدرسة، قائلة إنها لا تعارض في رؤية طليقها لابنته الصغيرة.
وقالت إنها لن ترد على "شتيمتها" والتجاوز في حقها، مؤكدة أنها مصابة بكوبونا ومعزولة، وطالبت بعدم إرسال رسائل من طليقها لترد عليها.
وكان خالد عليش كتب على إنستجرام بشأن رؤية ابنته فقال: "في موقف حصل في اخر ٢٠١٥ عمري ما انساه، كنت راكن عربيتي في مكان وكنت داخل مستشفي بخلص فيها ورق في مصر الجديدة خرجت لقيت الونش شال العربية وداها مكان تاني ودمر الكبوت من اودام وحك العربية من معظم الاماكن"
وقال "كنت راجع البيت مش طايق نفسي حرفيا بس اول ما فتحت باب الشقة ميما بصلتي وهي صغنونة كده وابتسمتلي اول ابتسامة مباشرة ليا ف ضحكتلها انا كمان ونسيت كل اللي مضايقني اكتر حاجة مفتقدها هي الابتسامة البريئة ديه وحضنها الدافي بصوابعها الصغنونة قبل النوم ربنا يجمعني بيكي علي خير دايما ويوفقني في اي قرار يخصك" .
