"حسام حبيب" يتصدر تويتر بعد ظهور شيرين حليقة الرأس.. ومتابعون: "اللي بيحصل ده مرعب"
دشَّن رواد موقع التدوينات القصيرة "تويتر" هاشتاج "حسام حبيب"، الذي تصدر موقع التدوينات القصيرة بعد ساعات من ظهور طليقته الفنانة شيرين عبد الوهاب بشكل صادم وحليقة الرأس في حفل بمدينة أبو ظبي الإماراتية.
وجاءت تعليقات رواد تويتر: "موضوع شيرين وحسام حبيب ده مرعب أوي كمية الحب اللي كانت بتظهر في الأول واللي بيحصل حاليًا ده مرعب بجد ويخليك في تساؤلات كتير.. حزن ممزوج بالقوة، شيرين استغنت عن شعرها اللي هو زينتها عشان تبين أنها زي ما قدرت تتخلى عن شعرها قدرت تتخلى عن حسام حبيب، كل الدعم والحب يا فنانة".
تعليق شيرين
علَّقت الفنانة شيرين عبد الوهاب على حالة الجدل التي أثيرت حولها مؤخرًا في الساعات الأخيرة بعد حلق شعر رأسها تمامًا في أول ظهور لها بعد إعلان طلاقها من حسام حبيب في حفل بمدينة أبو ظبي الإماراتية.
وكتبت في تدوينة لها عبر تويتر: "ليه ميكونش لوك جديد؟! ليه ميكونش تغيير؟! ليه ميكونش أنا اللي عملت كده حتى لو عندي اكتئاب؟َ! ليه فرضتوا السيئ والأسوأ وظلمتوا شخصًا بريئًا وظلمتوني".
وتابعت: "أنا قوية بيكوا، بس محبش حبكوا ليا يخليكوا متشوفوش الحقايق أو تكونوا ظالمين".
وقال عمرو أديب خلال برنامج "الحكاية" المذاع على قناة "إم بي سي مصر": "عايز أقول لشيرين كلنا جنبك أنتي أسعدتينا كتير، كلنا أهلك ورجالتك وجمهورك".
رسالة عمرو أديب
وأضاف عمرو أديب موجها حديثه للفنانة شيرين: "أنا ما أعرفش أنتي بتمري بإيه بس من خلال معرفتي بالحياة كل حاجة بتتعوض ومفيش حاجة ما بتتعوضش، أي حاجة راحت يجي مكانها حاجة تانية، الواحد بيرجع يركز تاني في فنه وبناته وأسرته، وكلهم محتاجينك، وبقول للناس اللى عندهم رغبة في الانهيار متنهاروش فيه ناس محتاجينكم، وانتى من الناس غير المسموح لها بالسقوط".
وأكمل: "في الحالات اللي زي حالة شيرين يكون من اللطيف الحمد والشكر إنك لما تبص علي مصايب غيرك تهون عليك مصيبتك، الناس عندها بلاوي ياما، لكن في النهاية اقف علي رجلك فيه ناس محتاجينك".
واستطرد: "أنا عارف إنك حاسة بالضياع وفيها حاجات راحت بس هي دي الحياة صعود وهبوط، احنا مبسوطين إنك رجعتِ تغني وسط دولة الإمارات وعايزين نشوفك بتغني علطول، أمسكي نفسك وتماسكي كلنا وراك ومعاك وإن شاء الله ترجع شيرين كاملة متكاملة، بس بصراحة كانت صدمة كبيرة النهاردة إنها تحلق شعرها".
وتداول رواد مواقع تبادل الصور والفيديوهات "إنستجرام" أحدث مقطع فيديو للفنانة شيرين عبد الوهاب من حفلها في أبو ظبي، وذلك بعد انفصالها عن زوجها حسام حبيب.
وقالت شيرين عبد الوهاب خلال الفيديو المتداول لها من حفلتها في أبو ظبي: "أنا خلاص بقيت سينجل يا جماعة".
وكانت شيرين ظهرت بشكل صادم خلال حفلتها المقامة حاليًّا بالعاصمة الإماراتية أبو ظبي؛ حيث أطلت حليقة الرأس في أول ظهور لها بعد طلاقها من حسام حبيب.
انفصال شيرين وحسام
وفي بيان انفصالها الذي صدر الجمعة الماضي، أهابت شيرين عبد الوهاب بالصحافة وجميع وسائل الإعلام باحترام حياتها الشخصية، وتحري الدقة فيما ينشر، وعدم نشر أي أخبار أو مزايدات الغرض منها النيل من شخصها.
وأكدت أن الانفصال حدث في هدوء تام، ولا توجد خلافات بينها وبين طليقها حسام حبيب على الإطلاق، وكل ما ورد من أخبار في هذا الشأن لا أساس له من الصحة ويأتي في إطار قلب الحقائق، مؤكدة أنها تكن كل الاحترام لحسام حبيب.
