ما تتجوزوش حد عينيه خضرا.. كيف تفاعل النشطاء مع طلاق شيرين وحسام حبيب
احتل هاشتاج "شيرين عبد الوهاب" و"حسام حبيب" تريند مصر على تويتر، بعد إعلان شيرين عبد الوهاب انفصالها رسميًا من حسام حبيب، قائلة "الطلاق وقع بالفعل، وأن أسباب الانفصال تخصها وحدها ولا داعى للخوض فى تفاصيل حياتها الشخصية".
طلاق شيرين وحسام حبيب
وأكدت شيرين عبد الوهاب أنها قررت فتح صفحة جديدة مع نفسها ومع جمهورها، وأنها وهبت حياتها لفنها وابنتيها مريم وهنا، خصوصا وأنها ابتعدت طوال الفترة الأخيرة عن جمهورها وعن حياتها الفنية بعض الشىء، وتنتوى العودة بقوة على الساحة خلال الفترة القادمة، بحسب بيان شيرين عبد الوهاب.
وتفاعل نشطاء ومشاهير الفن في السوشيال ميديا مع الفنانة شيرين عبد الوهاب ودشنوا هاشتاج للتعبير عن دعمهم لها في القرار، في الوقت الذي دشن فيها نشطاء مواقع التواصل الاجتماعي هاشتاج "حسام حبيب" قائلين لشيرين عبد الوهاب "مش قلنا مفيش حد يثق في ابو عيون خضرا".
شيرين عبد الوهاب تعود
وقالت أيتن عامر " ربنا يوفقك فى اى قرار تاخديه بنحبك وبندعيلك".
وردت كارمن سليمان "ربنا يسعدك يا حبيبتي ويكتبلك كل الخير"
وتابع تامر حسين: "بالتوفيق وربنا يكتبلك الخير وارجعى غني معندناش ٢ شيرين عبدالوهاب والعُمر بيجرى خلى الناس تشبع من صوتك وفنك. ربنا يكرمك"
وقالت ريما بود علي "شيرين جدعة وبنت أصول.الحياة دروس المهم نستفيد منها. شيرين محبتها كبيرة في قلوب الجماهير وراح ترجع ثاني ترسم البسمة على وجوهنا وتنشر الفرح والبهجة يلي عودتنا عليها. موفقة دائما واحنا بندعيلك ومنتظرين أعمالك المميزة."
أما ضي القمر فقال " #شيرين_عبدالوهاب تضرب ولا تبالي.. سيبنا القماص اللي بيزعل ويشهد ناس قال بسم النبي حارسه وصاينه عامل حساس.. اصلو الحيلة الدلوعه عايز كلمته مسموعه.. طارت الجبهة".
وردت رولا توش قائلة " في ٣ ايام من غير اي دعاية للأغنية ولا اعلان كلها غيرانة عدت المليون الخامس وده بس على يوتيوب".
وعلقت شمس الأصيل الجديد قائلة "هو انا لوحدى اللي كنت شايفه #شيرين_عبدالوهاب كتيرة علي #حسام_حبيب ولا انتم كمان كده مش شايفة اي ميزة لارتباط النجمه بالشخص... ده".
وردت إسراء أرتست قائلة: "ال... ده مكنتش برتحله #حسام_حبيب".
وقال أحمد حسين،"الحيلة الدلوعة ليه كده يا شيري،، قومتي الستات على الرجاله #شيرين،، #حسام_حبيب".
وأضاف طه أحمد " ده شتم ابوه علشانها وفي الآخر قالت له انت طالق #حسام_حبيب".
وتابع أحمد الهواري "#حسام_حبيب علي رأي توحه مفيش حد عيونه خضرا بييجي من وراه خير يا عمري... #شيرين_عبدالوهاب".
وقال نور الصباغ "مش قولنا مية مرة منثقش في حد عينه خضرا يا عمري #حسام_حبيب".
وعلق أحمد أتون قائلًا: "للاسف كل حكايات الحب بتبدأ بـ "حبه جنة" وتنتهي ب "مالكش مكان" وبكل الوجع اللي في صوت شيرين ده حظك في الحب زي حظنا يا شيرين #شيرين_عبد_الوهاب #حسام_حبيب #مالكش_مكان".
