سمية الألفي: قصة زواجي بفاروق الفيشاوي غريبة وانتهت بمقاطعة أمي | فيديو

قالت الفنانة سمية الألفي: "فاروق الفيشاوي كان حب حياتي، وأول مرة قاللي بحبك كان بعد أسبوعين من أول لقاء جمعنا، وهو مندفع على طول في مشاعره واللي في قلبه على لسانه".
 

أزمة سمية الألفي وفاروق الفيشاوي

وأضافت خلال لقائها ببرنامج "السيرة" الذي تقدمه الإعلامية وفاء الكيلاني بقناة "دي إم سي": "كنت بتمشي مع فاروق الفيشاوي جنب سور الأزبكية شافني أخويا أحمد ماشية والدنيا اتقلبت، ولقيت أخويا في وشي فوقفت، وفجأة فاروق ملقنيش جانبه فبص عليا لقاني مع أخويا فسكت، وقتها أخويا قاللي نتقابل في البيت".

ورد وشوكولاتة ولبان.. سمية الألفي تكشف قصة حبها لفاروق الفيشاوي |فيديو

سمية الألفي تبكى على الهواء: الحياة اتغيرت بعد فراق الأحبة

حب فاروق الفيشاوي بعلم الأم

وتابعت: "وصلت البيت قبل أخويا أحمد الألفي، واللي نفعني في الفترة دي الصراحة لأني مكنتش بخبي على أمي أي حاجة وحكيت لها كل شيء عن فاروق الفيشاوي، وجات مرة اتفرجت على عرض مسرحي وشافته وقالها أنا بحبها وعايز أجيب أخويا الكبير ونخطبها لأني أبويا متوفَّى، وقالها الوقت اللي انتي عايزاه أجيب أخويا ونقرأ الفاتحة، وأمي مكنتش لسه قالت لأخويا أحمد حاجة عن الموضوع، وكنت وقتها في أولى جامعة".

سبب سرعة زواج سمية الألفي

وأكملت: "تدبيسة الإسراع في الجواز علشان أمي وأخويا وافقوا على زواجي من فاروق الفيشاوي وقرأنا الفاتحة على طول، وكان صعب في 1973 إن بنت تمشي مع شاب".

قصة زواج غريبة

وأوضحت: "أمي قاطعتني بعد جوازي من فاروق الفيشاوي لأن ابن عمتي بعد الفاتحة قالها ده شيوعي وفي معهد فنون مسرحية وممثل وهيشغل بنتك ممثلة، فعملوا مشكلة كبيرة فقرروا إن ميبقاش فيه جواز، وبقى في صدام وفصلوا عني التليفون ومنعوني من الذهاب للجامعة، وبعتت ليا خالي وقاللي أمك بتقولك يا هي يا فاروق، فروحت واخدة أخويا ألفي الأصغر مني بسنتين وطلعت على طنطا لسلوى أختي الكبيرة اللي متجوزة وقلت لجوزها اللي حصل واشتيكت له وكان معايا فاروق ووقف معانا لإتمام الزواج، وأمي في اللحظة دي أخدت قرار أنها تقاطعني لأني خرجت بدون إذنها".
 

عقد قران سمية الألفي وفاروق الفيشاوي

واستطردت: "اتجوزت وماما مش معايا وكان معايا أخويا ألفي وكتبنا الكتاب في بيت أخو فاروق الفيشاوي، وفضلت مقطعاني لمدة سنة، وجاتلي في بيتي".