ردا على اللي عمله.. الخطيب يكشف سر رفع الشرط الجزائي لموسيماني
كشف الكابتن محمود الخطيب رئيس النادي الأهلي، كواليس رحيل رينيه فايلر، عن القلعة الحمراء، وقدوم موسيماني.
رحيل فايلر
وقال خلال لقائه ببرنامج “ملعب أون تايم” الذي يقدمه الإعلامي أحمد شوبير بقناة “أون تايم سبورت”: فايلر مدرب كويس جدا، لكن كان عنده مشكلة أسرية وأول ما حصل كورونا استقراره مكنش كويس وحسيتها كذا مرة، واتكلم معايا وقالي أسرته قالتله لازم ترجع ومتبعدش 300 كيلو عن البيت، فكان ردى إما التجديد أو توجيه الشكر له".
التعاقد مع موسيماني
وأضاف:" أروابارينا مدرب بيراميدز السابق كان أول اختيار لينا بعد رحيل فاير، لكن أنا قولت طيب احنا محتاجين حد اتعامل مع أفريقيا عشان مياخدش وقت، لما جيه اسم موسيماني قلتلهم أنا شايفه ولقيت لجنة الكورة وافقت ورأي كابتن طه إسماعيل كان مهم في التعاقد مع موسيماني".
حقيقة طلب موسيماني زيادة أجره
وتابع:"موسيماني مطلبش فلوس زيادة ولا سنين زيادة، هو قالي حاجة واحدة بس، أنا عايز أحس بالاستقرار ومش عايز ولا مليم زيادة، وأنا رفعتله الشرط الجزائي من 3 شهور لـ 6 شهور عشان هو عايز يحس بـ الاستقرار، عشان مش معقول الناس كلها بتهاجمه ومش عارف إيه الهدف عند الناس لزعزعة استقرار النادي الأهلي ، كل شوية شائعة عن النادي".
وقال الكابتن محمود الخطيب المرشح لمنصب رئيس النادي الأهلي، في نفس اللقاء: "وجعني لما حد لسن عليا أو يتكلم عن أسرتى بشكل وحش لأن أسرتي متستحقش كده بس هما فهموا إن ده قدرنا، وتعلمت المبادئ والأخلاق من أبويا وأمي اللى ضحوا بالكثير من أجلنا".
رد الخطيب على المتجاوزين
وتابع خلال لقائه ببرنامج “ملعب أون تايم” الذي يقدمه الإعلامي أحمد شوبير بقناة “أون تايم سبورت”: "احنا مش هينفع نعامل الناس بأخلاقهم اللي هما مش مظبوطين.. مش هينفع سلوكيتنا تعامل الناس دي بنفس سلوكهم".
رسالة الخطيب للمتجاوزين
وأضاف الخطيب: "أنا بعامل الناس اللي مش مظبوطة أخلاقيًا بأخلاقي أنا ولكن مش بعاملهم بأخلاقهم هما وهو دا قدر العمل العام والاحترام بصفة عامة".
الخطيب يعتذر لأسرته
وأكمل محمود الخطيب: "أعتذر لأسرتي ولكن فضل الأهلي عليا يستحق التضحية".
وأكد محمود الخطيب رئيس مجلس إدارة النادي الأهلي، المرشح للمنصب ذاته، في انتخابات النادي المقرر إقامتها يوم 26 نوفمبر الجاري أن القائمة التي اختارها وضعت وفقا لرؤية شاملة وتم اختيار الأسماء المناسبة لتنفيذ هذه الأفكار بالتشاور مع لجنة الحكماء التي كان لها دور في تزكية الاختيار مع تأكيد أن رئيس النادي هو صاحب القرار والمسؤول عن كل قرار.
وكشف الخطيب عن أنه اعتذر خلال الدورة الماضية للدكتور محمد شوقي ومحمد الغزاوي وامتثلا للقرار وكانا عند حسن الظن إعلاء لمصلحة الأهلي، وهذه المرة تم الاعتذار للثلاثي إبراهيم الكفراوي وجوهر نبيل ورانيا علواني وتقبلوا الأمر واشكرهم على موقفهم الذي يجسد قيم ومبادئ الأهلي.
