فيفي عبده: فكرت أقعد في تربة علشان أشوف الناس هتعمل إيه لما أموت.. وهذه وصيتي للتربي
قالت الفنانة فيفي عبده: "فكرت من فترة أفتح التربة، وأقعد في الحوش علشان أتأقلم وأشوف هيعملوا إيه لما أروح".
وصية فيفي عبده للتُّربي
وأضافت خلال لقائه ببرنامج "أسرار النجوم" المذاع على إذاعة "نجوم إف إم": "وصيت التُّربي عليا لما أموت وقلت له أنت هتعيش عشرة عمرك معايا خلي بالك منِّي".
وصية فيفي عبده في قبرها بعد وفاتها
وتابعت الراقصة فيفي عبده: "بقول للتُّربي أنت حبيبي خلي بالك مني وأبقى أروي الزرع وبلاش الورد علشان مينزلش مياه عليا وأنا في التربة".
عذاب القبر
وأردفت فيفي عبده في حديث سابق: "تحية وسامية علموني أكون ذكية وجدعة وأخلي بالي من حياتي، وأنا ما غلبتش أساتذتي والدرس اللي اتعلمته من الدنيا التفكير في الآخرة وعاملة حساب عذاب القبر ولكن الناس عايزة تحاربني على نفسي وكل صغيرة وكبيرة ولكن من حقي أعيش حياتي وربنا اللي هيتكفل بيا وهيحاسبني، وأنا بعمل حساب ربنا واتعلمت الجدعنة والشهامة".
حب فيفي عبده للرقص
وقالت الفنانة فيفي عبده: "أنا بحب الرقص جدًّا وبيجري في دمي، ومش بحس أني عايشة غير لما أسمع مزيكا".
وتابعت: "الراجل الفرفوش بيشدني، وأكثر الفنانين اللي حبتهم كان يحيى شاهين وعماد حمدي ورشدي أباظة، من أكثر الشخصيات اللي بيعبروا فيها عن المواطن المصري الأصيل".
الوعكة الصحية
وكانت الفنانة فيفي عبده كشفت عن سبب تعرضها لوعكتها الصحية الأخيرة ودخولها العمليات، من خلال تدوينة على الفيس بوك قائلة: "أنا في الساحل الشمالي، وخدت عين عندما سافرت الساحل الشمالي المرة الأخيرة، ولكن الحمد لله رب العالمين".
وتابعت: "بقالي سنة ونص عيانة، فنسيت كل الإنجليزي، وأريد أنا أضحك مثل زمان مع جمهوري اللي بحبه".
كانت الفنانة فيفي عبده أصيبت في العصب بسبب حقنة خطأ، تسببت في عدم قدرتها على الحركة؛ حيث أكدت فيفي عبده في مقطع فيديو وجهته للجمهور أنها كانت تعاني من مشكلة صحية بسبب حقنة خاطئة أحدثت ضررًا للأعصاب وفقدت الإحساس به، وعمل الأطباء على إعادة الشعور بهذا العصب، حيث قالت: "خدت حقنة غلط (تراي بي) ودي سمَّعت (أصابت) العصب، ودلوقتي الدكاترة بيعالجوني عشان يرجعوا لي الإحساس بالعصب تاني".
