عاكف: منهم لله الشاطر وبديع ضحكوا على شيبتي
حضر محرر هريدي نيوز أول جلسة تحقيق مع مهدي عاكف المخبر السابق للجماعة، كان الرجل مسالما جدا وقال للمحقق: يابني أنا راجل كبير وخرفان وما عنديش فكره إنت بتتكلم عن سلاح إيه وقتل إيه، ومين دول اللي كانوا بيحرسوني وهايحرسوني من إيه إذا كان خيرت وبديع اتكاتروا علي وشالوني من الإخوان، وضحكوا على شيبتي وأنا الراجل الطيب الكبارة اللي بحب مصر وعمري عمري ما قولت طظ فيها ولا كفرت أهل اللي جابوها، ولا لعنت سلسفيل أم اللي عايشين فيها، دول ناس طيبين ما يخونوش العهد.
ويؤكد المحرر: أن عاكف ظل يتوسل للمحقق أنه يعتقه لوجه الله وهو هايتمرمغ في علم مصر بعد كده لأنه مظلوم والشاطر وبديع منعوه من حضور أي اجتماع بينهم واللي كان بيطلع يقولوا في التليفزيون ده جعجعة على الفاضي، وظل عاكف يردد أنا أنا لازم أسكت وأرتاح مش أجعجع وأملا الدنيا نباح!
