الأعلى للثقافة لـ علماء النفس والاجتماع: ساعدونا قبل ما نضيع داخل العالم الافتراضي
أعرب المهندس الدكتور زياد عبد التواب، مقرر لجنة الثقافة الرقمية، بالمجلس الأعلى للثقافة، عن قلقه الشديد عقب إعلان مارك زوكربيرج مؤسس ومدير شركة فيس بوك عن تغيير اسم شركة "فيس بوك" إلى "ميتا"، لتتماشى مع جهوده المتزايدة للجمع بين تقنيات الواقع الافتراضي والواقع المعزز.
ميتا
وقال الدكتور زياد عبد التواب عبر حسابه الشخصي بموقع التواصل الإجتماعي “فيس بوك”: مارك شاطر مفيش شك وبيطلع بالتواصل الاجتماعى لمستوى جديد افتراضي بالكامل هتلاقى فيه شكل جديد ليك Avatar وحتلاقى حتة للألعاب والتسلية... حتحضر حفلات لناس ماتوا او حفلات على بعد أميال وانت فى مكانك".
وتابع “عبد التواب” ::هتقدر تتعلم برة وانت جوة وتطلع فوق سطح كوكب زحل فى درس المجموعة الشمسية وحتنزل فى اعماق المحيطات فى دروس الاحياء… وتقدر تشتغل مع شركاءك حول العالم وتجتمع معاهم فى غرف اجتماعات افتراضية وحيكون ليك بيت افتراضى ولو انت معاك فلوس حتشترى جزيرة افتراضية بتاعتك وتعمل عليها حفلات للاهل والاصدقاء الاحياء والاموات كمان".
فيما استطرد قائلا:" حتلف العالم وانت مكانك وحتبيع وتشترى منتجات حقيقية او افتراضية بالكامل.بيتك الحقيقى هيبقى من غير عفش تقريبا عشان مش محتاجه...حتحتاج حجرات فاضية او مساحات كبيرة عشان تبقى بحريتك فى الميتافيرس ولو اتجوزتك ممكن تقابل ولادك بجد قليل اوى لانهم حيكونوا عاملين لك بلوك فى الميتافيرس، بس شركات كتيرة حتشتغل وتبيع المنتجات والملبوسات Wearables التى حتستخدمها هناك وسرعات الشبكات حتبقى مهولة".
وأختتم الدكتور عبد التواب حديثه بالقول: “لازم علماء الاجتماع وعلم النفس والدين يساعدونا قبل ما ندخل ومانعرفش نرجع للواقع ونضيع تماما جوة العالم الجديد ده”.
