نجلاء بدر تكشف موقف زوجها من أزمة فستان الجونة: قالي لو مش هقدر أدافع عنك يبقى أنا مش راجل
عادت الفنانة نجلاء بدر لتصدر محركات البحث، بعد أيام من إطلالاتها التي وصفها البعض بالجريئة، والذي عرف إعلاميًا بـ«فستان عين حورس»، حيث حلت الفنانة بالأمس ضيفة مع الإعلامية إنجي علي، ببرنامج «أسرار النجوم» المذاع عبر راديو «نجوم fm».
وخلال الحوار خرجت نجلاء بدر لتدافع عن زوجها محمد عفيفي، الذي تعرض لموجة من الانتقادات.
وقالت الفنانة في حوارها مع إنجي على: «البعض اعتقد أن زوجي لن يظهر معي في مهرجان الجونة، لكنه أصر يكون موجودا جنبي، وقالي لو مش هقدر أدافع عنك يبقى أنا مش راجل».
وأكدت نجلاء بدر، أن زوجها محمد عفيفي يدعمها باستمرار، مشيرة إلى أن الزواج به كان أصعب قرار اتخذته في حياتها، لأنها عاشت 8 سنوات وحيدة، مؤكدة أنه أفضل اختيار في حياتها.
نجلاء بدر وزوجها
وتابعت، أن هناك مساحة كبيرة في الثقة المتبادلة بينهما، لذلك فقد قرر دعمها رغم أنها ارتدت فستانا يراه البعض جريئًا: «في واحد ممكن يقول مش هنزل مراتي لابسة كده، لكن يعجبني الراجل اللي يقول البسي اللي انتي عايزاه وأنا كفيل إني هحميكي، ممكن يتقال متعمليش كده عشان هو مش هيقدر يحميكِ، لكن هو قالي اعملي اللي انتي عاوزاه في وجودي لأني أنا هحميكي، وفي رجالة تقول متعمليش كده وفي الآخر الست تعمل برضه».
وفي سؤال وجهته الإعلامية إنجي علي عن أكبر خطأ ارتكبته نجلاء بدر، قالت الأخيرة: «مش قادرة أقول إني اتخذت قرار غلط في حياتي، في حاجات ممكن أقول إني عملتها غلط لكن بعد ما أعيش فترة بلاقي إن ده نصيبه وجالي لحد عندي وعيشته.. أنا عندي رضا ودايما بخاف أطلب من ربنا حاجة تطلع وحشة، فدايما أقول يا رب اعمل اللي فيه الخير».
فستان نجلاء بدر
وفي وقت سابق كانت نجلاء بدر خرجت للرد عن تصدرها التريند بسبب إطلالاتها، قائلة، تعليقًا على أزمة «تريند» فستانها في مهرجان الجونة السينمائي في نسخته الخامسة 2021، إنها لأول مرة تواجه مثل هذا الهجوم، مضيفة «مش بتاعة التريند والكلام ده»، لافتة إلى أنها تعتبر كلمة «تريند» إهانة للفنانين، موضحة أن الفستان من تصميم فريدة تمرازا، وعندما اختارت الفستان ركزت على اختيار الأشيك والأحلى وليس الأكثر عريا، مضيفة: «فيه قماشة الناس مش شايفاها اللي محطوط عليها العين، وده الموديل بتاعها وهي حرة فيه، وكل الزملاء قالولي إنه قطعة فنية، ولكن بعض الزملاء قالولي إن القماشة مش باينة في الصور».
