شباب "فيس بوك" يدعون لمليونية "كسر القلة" ابتهاجا بخلع الإخوان
بعد تعيين المستشار عدلي منصور رئيسا للبلاد وخلع مرسي وجماعته، تصدرت تعليقات شباب الإخوان في زمن حكمهم لمصر صدارة التعليقات فـ"عجلة الإنتاج" و" الاستقرار" التي كانت من أهم حجج الإخوان لعدم الاعتراض على مرسي استخدمها الشباب للسخرية من المعترضين على خلع مرسي،"فيتو كافيه "رصدت تعليقات الشباب..
أبو نسمة الأسطورة: أنا بس عايز أقول للإخوان أن اللي بتعملوه ده بيوقف عجلة الإنتاج والاستقرار | انزلوا الانتخابات ولو ليكوا حشد فعلا اكسبوا..اه صح نسيت حاجة.. أؤيد قرارات الرئيس.
ألبير سمير: رسالة إلى الإخوان: لا للعنف والانقلاب على شرعية المستشار عدلى منصور ولو انتم فعلا أغلبية خلاص انزلوا الانتخابات الجاية..إلا الشرعية ياجماعة.
محروس فرج: وأنا بناشد الشعب إلى الخروج إلى ميلونية الجمعة القادمة ونسميها جمعه كسر القلة ونكسر وراهم كام قلة.
محمد مدكور: أنا هقولكم الإخوان متضايقين ليه.. أصل رئيس مصر اسمه عدلى.. بيفكركم بحاجة الاسم ده.
كريم الشريف: خطابات عدلى منصور مبتضحكش.. ارجع يا مرسي احنا كنا بنهزر معاك.
حمدي الدودج: النور بقاله ساعة ما قطعش.. والله رئيس المحكمة الدستورية العليا ده شكله راجل كويس.
