من البهاق إلى عيد الزواج.. أزمات رامي جمال مع الجمهور عرض مستمر
حالة من الغضب الشديد سيطرت علي رامي جمال وزوجته صباح اليوم الثلاثاء بسبب منشور "عيد زواجهما" التي انهالت عليه العشرات من التعليقات المسيئة ، وهذه ليست المرة الأولي حيث كان الفنان رامي جمال في وقت سابق يعاني من التعليقات الساخرة والمسيئة علي مرضه البهاق.
عيد زواج رامي جمال
احتفل رامي جمال بعيد زواجه مع زجته "ناريمان" أمس الإثنين، ونشر صورة عبر حسابه الشخصي علي موقع تبادل الصور والفيديوهات "إنستجرام".
وعلق "رامي" علي الصورة قائلا:" يارب انت عارف اني اتجوزتها وهي عيد ميلادها ذكري الزلزال القوي اللي جه مصر وانهارده عيد ميلادك برق ورعد وحاجه فله كده عرفت انا ليه لما غنيت سقف كورونا غزت العالم 😂 الحمد لله اننا مخلفناش لاني واثق ان ابننا كان اكيد هيبقي المسيخ الدجال 😂😂 نهايه العالم هتبقي بدايتها من بيتنا 🎁🎈كل سنه وانتي اول واخر واحلي وارخم حاجه في حياتي بفكر اطلقك علشان اخد الدريسينج والحق يرجع لاصحابه".
و تلقت الصورة الكثير من التعليقات المسيئة التي جعلت رامي جمال وزوجته ناريمان في حالة من غضب شديد.
و هذا الامر الذي دفع "ناريمان" للخروج بفيديو وهي في حالة من الغضب من خلال خاصية "ستوري" عبر "إنستجرام" قائلة:" يا جماعة أنتم بتهزرو ولا بتتكلمو بجد قولو انا مش هزعل يعني ليه تاخدم بوست واحد بيهزر مع مراته في أيه أنا ورامي علي طول بنرخم بالطريقة دي بنهزر عادي وهو كمان بيرخم عليا".
و أضافت "ناريمان قائلة:" ولو حد كلف نفسه ودخل علي صفحتي كان هيلاقي ان انا اللي منزله البوست انا بهزر لاني بني أدمة سوية وبعدين أحنا حورين دي حياتنا".
مرض رامي جمال
فاجأ الفنان رامي جمال جمهوره بدراسته اعتزال الغناء بسبب إصابته بمرض جلدي في وجهه، وذلك من خلال حسابه الرسمي بموقع التواصل الاجتماعي "فيس بوك".
وكتب رامي "الحمد لله الذي أحبني فابتلاني وقدرني على الصبر من فترة ظهرت بقع بيضا في جسمي، وبالكشف عرفت أنه البهاق، وجربت أنواع علاج كتير ودكاترة كتير ومفيش فايدة".
وتابع: "رضيت وسلمت أمري لله علشان عرفت أن الزعل بيزوده وكفايه شغلانتي وصعوبتها والقلق الدائم من المستقبل، وفعلا بقي بيزيد لدرجة لفتت نظر ناس كتير اللي بقى يقول لي هتتعامل إزاي وانت فنان، واللي يخاف يسلم واللي يسألني هو ده معدي أنا بقالي سنة فعلا لو عندي حفلة أو تصوير بتعب على ما اشوف طريقة أخفيه بيها لدرجة خلت ناس تقول لي شوف بيزنس تاني اعمله علشان الناس مش هتقبلك كده".
واستكمل "فكرت في كلامهم بصراحة ولقيت أن عندي حلين يا فعلا شكرًا لحد كده على الشغلانة دي رغم حبي ليها وعدم معرفتي بغيرها، يا اما مش هداريه تاني وتقبلوني بيه وترحموا كل اللي ربنا ابتلاهم بيه من نظرة إنه شكله غريب، الحمد لله على نعمة الأهل لأنهم الوحيدين اللي بيقبلوا الواحد زي ما هو، طولت عليكم بس قلت أشرككم في حياة فنان".
