بعد طرحها.. بلال محمد يكشف تفاصيل أغنية «الميرنده»
طرح المطرب الشاب بلال محمد أمس الأربعاء أغنيته الجديدة التي تحمل عنوان "الميرنده" بشكل "الفيديو كليب"، عبر موقع الفيديوهات الشهير "يوتيوب".
أغنية "الميرنده" من كلمات وألحان وتوزيع موسيقي محمد شفيق ومكساج وماستر نادر سليمان
وكشف "بلال" تفاصيل أغنية "الميرنده" في تصريحات خاصة لـ"فيتو" قائلا:" أغنية الميرنده لون جديد بالنسبة لي لأنني أول مرة أقدم هذا اللون من الأغاني، لأنني في المعتاد أقدم المزيكا "البوب"، مشيرا إلى ستايل محمد حماقي.
تطور الساحة الفنية
وأضاف "بلال":" وشهدت الساحة الفنية خلال الفترة الماضية تطور هائل في "المزيكا التراب" لذلك حاولت أن أقدم ميكس بين مزيكا البوب ومزيكا التراب في أغنية "الميرنده"، وبالفعل أسعدني للغاية ردود أفعال الجمهور على "الاغنية".
وتابع بلال:" حبيت أقدم كلا مختلف ومفيهوش أسفاف ويكون بشكل لطيف ويرقص الناس.
وكشف عن أعماله قائلا:" أنا أعمل الآن على أغنية جديدة "سنجل" سيتم طرحها خلال شهر وعلى نهاية السنة سأكون أنتهيت من تنفيذ 12 أغنية مختلفة، مضيفا: حتى شكل الدراما هيكون مختلف.
كلمات أغنية "الميرنده"
متيجي جنبي وننسي الناس
عمري ما شوفت انا كدا احساس
عينيكي دي عايزه تتباس
دي جبتني وعلقتني
قربي مني تعالي بشويش
ضمي عليا ومتقاوميش
كل الي فات ده ميلزمنيش
الضحكة دي خدرتني
دي حلوه حلاوة الميرنده
عمري ما شوفت ولا دوقت من دا
شدتني ليها ازاي وامتي
دي متفصله عشاني
جمالها عدي وطابعه اصلي
قربت منها سابت مفصلي
انا هبقي ليها بشكل حصري
مشيتها مبرجالاني
طب قومي بينا نرقص طول الليل
هاتي وسطك عندي هنا يميل
الوقت سرقنا ليه نستني
احساسنا دا حلو ميتنسيش
طب قومي بينا نفصل ماللي فات
و انا جنبك مش شايف بنات
انتي ادماني ونصي التاني
دا انتي بتاعتي يا مش هعيش
دي حلوة حلاوة الكاكولا
جابتني كده مالنظرة الاولي
واخده في حياتي دور البطولة
هزتني ووترتني
أعصابي كدا مش عارف مالها
ضعفت شخصيتي قدام جمالها
انا مش هسيبها كدا فحالها
لمستها دوختني
