كهربا يتصدر التريند بعد "ريأكشن" حقنة اللقاح.. والنشطاء: عايز ضربة جزاء من التطعيم
![كهربا وحقنة لقاح](images/no.jpg)
تصدر لاعب الأهلي محمود كهربا تريند مصر على موقع التواصل الاجتماعي "تويتر"، بسبب ردة فعله أثناء تلقيه حقنة اللقاح ضد فيروس كورونا، حيث بدا وكأنه يصرخ من ألم الحقنة، الأمر الذي دفع نشطاء مواقع التواصل الاجتماعي لتدشين هاشتاج (#كهربا) للسخرية من ردة فعل كهربا على تلقيه حقنة اللقاح.
وجاءت ردود أفعال نشطاء مواقع التواصل الاجتماعي بين ساخر من ردة فعل كهربا قائلين: "كهربا اتكهرب.. عايز ياخد ضربة جزاء.. وانت بتاخد تطعيم مش بتاخد بنالتي"، فيما عبر آخرون عن مخاوفهم من تلقى حقنة اللقاح، بسبب ردة فعل محمود كهربا.
ردة فعل كهربا
وقالت نورهان حسن: "تقريبا جابوا لاعبيه الأهلي عشان يشجعوا الناس تاخد اللقاح انا كنت ناويه اخدوه لحد ما شوفت صرخه كهربا وانا أصلا بترعب من الحقن".
وعلقت نانسي صليب: "كهربا بيتلقى طعنة في القلب مش بيتلقى لقاح كورونا!".
ووصف باسم مراد ردة فعل كهربا قائلًا: "تقريبا كهربا عايز ضربة جزاء من حقنة الفاكسين!!".
وقال أحمد وهبة " تحس ان كهربا واخد آر بي جي في ذراعه مش حتة حقنه".
وردت عائشة صالح: "فى ناس رجالة وستات عندها هاجس من الحقن اللى هو هاخد حقنه يبقى لازم أخاف وأقلق وأصوت كده مع إن لو الواحد كبر دماغه فعلا مش هيحس بحاجه دى مش حقنه مضاد حيوى ده تطعيم التعب بييجى بعد كده هما مدلعين وأولهم كهربا مدلع جدا".
كهربا وحقنة اللقاح
وتساءل محمد دسوقي " كهربا بيصرخ ليه كدا؟".
أما أم أو جي فقال: "كهربا حبيبي... انت بتاخد تطعيم مش بتاخد بنالتي".
وردت مي صالح:"بالنسبة للقاح اللى مفروض اخده انا مش هاخده بعد الريأكشن ده يا كهربا".
وعلق على ولدن السعد قائلًا: "جاته كهربا من الابره".
وقالت بسبوسة:"كهربا بيتكهرب مش بياخد حقنه.. مضحكنيش الا كهربا.. الحمد لله اني خلصت التطعيم قبل ما اشوفهم لو شوفتهم والله ماكنت خدته ابدا بالـ reaction بتاعهم ده".
![](/Upload/libfiles/46/1/762.jpg)
وعلقت هاجر طارق: "مش قادره حقيقي... كهربا بيمثلني عامه.. جماعه بس انا اصعب من كدا كمان يوم ما خدوا مني دم عشان كنت هحلل بهدلت الدنيا المهم في الاخر قولتهم مش تعبانه خلاص مش عايزه أحلل مش هقول انا تعبانه تاني بس سيبوني".
وسخر سيد يحيى: "دى دكتوره زملكاويه سكعت كهربا أبره جت فى العظم من جوه خلتوا صرخ بأعلى صوت".
أما حسن فقال: "ريأكشنات كهربا بصفه عامه غريبه ومضحه دا ضحكنا ضحك لما كان في الزمالك"
وقال يوسف محمد:" كهربا تحس أنه بيتكهرب فعلا".
ورد عيسى جاد الرب قائلًا: "جرى ايه يا #كهربا هى بتديك اللقاح ولا بتغزك بمطوة مش كده يا راجل".