مستجدات جهود عدم السماح بدخول أي بضائع إلا طبقا للمعايير الأوروبية تنفيذا لأمر الرئيس
أكد الرئيس عبد الفتاح السيسي عدم السماح بدخول أي بضائع إلا طبقا للمعايير الأوروبية قائلا: مش هنسمح لأي مستورد أنه يجيب أى حاجة والميكنة تكافح الفساد.
كما أكد الرئيس السيسي مؤخرا عدم السماح بدخول أى بضائع إلا طبقا للمعايير الأوروبية بدءا من مارس 2022.
أبرز المعلومات عن جهود عدم السماح بدخول أي بضائع إلا طبقا للمعايير الأوروبية:
- قال الرئيس السيسي: "بقول الكلام ده علشان الشركات المعنية تساعد الدولة والحكومة في الإجراءات اللي بنعملها وهي هدفها تسهيل الأعمال وقدر ضخم من الشفافية، فضلا عن دولة بتتكلم زى ما الدول المتقدمة في التجارة بتعمل كده، لأنه النهاردة احنا شغالين فى حاجة اسمها المعايير الأوروبية علشان لن نسمح بدخول أي بضائع إلا طبقا للمعايير الأوروبية".
- أضاف الرئيس السيسي: "مش هنقبل ان حاجة تخش، اى حد يستورد اى حاجة يبيعها للناس تشتغل أسبوع او شهر وتترمى لا.. احنا هندخل كل البضائع اللى هتخش البلد طبقا للمعايير زى الدول المحترمة مبتشتغل.. حاجتنا من شركات محترمة علشان الناس اللى في مصر تشترى وهى مطمنة ومش هنسمح لأى مستورد أنه يجيب أى حاجة مش هنوافقله وكام شهر اللى فات كان عبارة عن إجراءات اختبارية، لكن من أكتوبر هنبدأ التجهيز للتطبيق، وبدءا من مارس 2022 سيتم تطبيق المعايير اللى اتفقنا عليها، لكل البضائع اللى تخش مصر طبقا للمعايير الأوروبية، ويبقا ادينا فرصة للمستوردين لما يتعاقدوا على بضائع ومواد هيطبق عليها المعايير اللى بتكلم عليها، ولو مش هانبقا جاهزين في مارس 2022 قولولي
- قال الرئيس السيسي: بقول للمستورد مش هغلبك معايا ومش هيحصل الكلام اللى كان قبل كدة.. المنظومة المالية طورناها بالمكينة الكاملة وحجم المليارات التى أنفقت في هذا الأمر، وقلت للدولة منذ 4 سنوات لو تقدروا تعملوا ميكنة لكل الأنشطة علشان نحيد العمل البشرى وإجراءاته، ولو عاوزين 100 مليار جنيه حد يقولى تدفع 100 مليار في ميكنة.".
- أضاف الرئيس: المستورد خاطب الشركة، والشركة خاطبت الجمارك، ولو تم الموافقة نحدد الأسعار بتاعها ونسب كبيرة جدا منها حتى لن يتم الكشف عنها مع منظومة الاكس راي، ويبقا فيه انتقاء عشوائي للبعض..رحت من 5 سنين سنغافورة لقيت الطقم اللى مشغل الميناء 8 افراد ورايحين لده ان شاء الله..بنعمل الإجراءات دى علشان نعمل حاجة فيها انضباط وشفافية كبيرة جدا..الخطوة اللى هنخدها قدام لا فيها وقوف ولا رجوع".
- قال الرئيس السيسى: "خلوا بالكم دولة زى مصر فيها 100 مليون حجم العمل فى مصر لو مميكن ميكنة كاملة كتير من الحاجات اللي بتعانوا منها وبتشوفوها مش هاتبقي موجودة، لو فيه فساد عاوزين تواجهوه بجد مش هيتواجه غير بكده إن البشر ميتعاملش غير مع مكن سواء كان المواطن أو الموظف ومفيش اتصال مباشر مع الموضوع.. النظام ده موجود فى العالم مندخلوش عندنا ليه.
- أضاف الرئيس السيسى..اديله الموافقة على الشحنة قبل ما تيجى على الميناء، والبضاعة قبل ما تتشحن من البلد المصدر ومش هديله موافقة ومش هتنزل الميناء وده هايبقى إجراء قد تجدوه صعب لكن بنعمل إجراءات الدنيا كلها بتعملها احنا مش هانبقا عجبة، احنا بنعمل اللى غيرنا سبقنا فيه، وبنحاول نحصله علشان نسهل على الناس ونضمن إن الحاجات اللى بتخش بلدنا طبقا للمعايير، ولو فيه حاجة فيها مخاطر زى المخدرات، وكل ما هنسيطر على حركة دخول المنافذ بشكل كامل هنقدر نحقق ونشوف زى ما الدول المتقدمة بتعمل.
- هناك نظام جديد خاص بتلقي معلومات مسبقة عن المشحونات قبل شحنها من الدول الأخرى ويعد هذا النظام إلزامي ولا تراجع عنه
- يساعد هذا النظام في تسريع عملية الإفراج الجمركي ليقلل زمن الإفراج، ويعتمد على مستندات إلكترونية دون الورقية، كما يساعد في انخفاض التكلفة وتقليل تكلفة المنتج المصري أو المنتج المستورد للمستهلكين، وذلك لتحسين ترتيب مصر في المؤشرات التنافسية الدولية، ولحماية البلاد من دخول البضائع المجهولة أو الممنوعة التي تهدد أمن وصحة البلاد.
- مصلحة الجمارك تشهد تطورًا في كل المناحي، كما تم عمل نافذة واحدة في عدة موانئ منها مطار القاهرة في مارس 2019، ثم غرب بورسعيد في مايو 2019، ثم شرق بورسعيد، ثم العين السخنة ثم دمياط، ميناء الإسكندرية، ميناء الدخيلة والذي يغطي حوالي 75% من واردات مصر وحوالي 90% من صادرات مصر، وجاري استكمال الباقي على نهاية العام الجاري، وذلك بتوجيهات ومتابعة من القيادة السياسية.
- تم التخلص من كل البضائع الخطرة والممنوعة والبضائع العادية المركونة في الموانئ بدعم من رئيس الجمهورية والجهات المختصة والتخلص من الألعاب النارية والمتفجرات.
