رسالة مؤثرة من ابنة ماهر سليم لوالدها بعد وفاته بأيام
فاجأت الفنانة الشابة أسماء ماهر، جمهورها بتوجيه رسالة لوالدها الفنان الراحل ماهر سليم، الذي رحل عن عالمنا الخميس الماضي بعد صراع مع مرض سرطان الدم، وذلك بأول تعليق لها منذ وفاته.
كتبت عبر حسابها بموقع "فيس بوك":"بابا! أنا مش قادرة أكتب ولا أرد على حد ولا أعمل أي حاجة غير أني أسكت وللأسف مش مستوعبة إن كل ده حصل".
وأضافت: "عقلي رافض كل اللي حصل واللي بيحصل، بس النهاردة كان لازم أنزل البوست ده لأسباب كتير..أولهم وأهمهم أحساسي، بابا كان حكالي موقف مؤثر جدآ جواه، لما والدة بابا توفت اللي هي جدتي، دفنها الصبح وخد العزا ونزل وقف على خشبة المسرح كان عنده عرض كوميدي، وبالفعل نزل وعرض، أنا سألته ساعتها ازاي قدرت تكمل! قالي الحياة وقفت جوايا بس من برا الحياة مشيت".
وتابعت قائله: "الموقف ده اتكرر النهارده وكأنه كان بيحكيلي اللي هيحصلي أو بيمهدلي، يوم وفاة بابا 9/2 كان عندي افتتاح عرض (محل اللعب) على مسرح الهناجر بالأوبرا، أنا دفنت بابا الصبح واتصلت بالمخرج قولتله إني جاية العرض بالليل، وطبعا بما إن الزمن غير الزمن، المخرج إيهاب ناصر رفض وأصر إني مجيش يومين، وبالفعل حصل..ولكن النهاردة أنا نزلت عرضت كوميدي، الإحساس قاتل وأنت بتعمل عكس اللي جواك، إحساس قريب من الانهيار الداخلي، أنا بس عايزة أقول أنا شبهك في كل حاجة مش بس شكلك، أنت دلوقتي في مكان يليق بنقاء روحك، بس وحشتيني أوي يا بابا ووجعتني أوي أوي".
السيرة الذاتية لـ ماهر سليم
ماهر سليم حاصل على بكالوريوس فنون مسرحية قسم تمثيل وإخراج، وعرفه الجمهور من خلال شخصية "زيكا" في مسلسل الأطفال الشهير "بوجي وطمطم"، وأيضًا عمل في عدة أفلام مع المخرج المصري العالمي يوسف شاهين وأيضًا المخرج خالد يوسف.
أعماله المسرحية
وقدم سليم للمسرح العديد من الأعمال كممثل ومخرج منها: العيال تكسب، زمبليطة في المحطة، الزوبعة، الزيارة انتهت، حدث في وادي الجن، علاء الدين وغيرها.
وشغل الفنان الراحل ماهر سليم العديد من المناصب الإدارية بالمسرح منها نائب مدير عام الطليعة 2010، ثم مديرا عاما لمسرح الطليعة 2012، ثم تولى رئاسة البيت الفنى للمسرح عام 2013.
مناصب عديدة
وتولى سليم أيضًا العديد من المناصب الأخرى منها مستشار رئيس قطاع الإنتاج الثقافى عام 2014، ومدير المهرجان القومي للمسرح بالقاهرة فى مارس عام 2013.
