عمرو أديب لـ"شيكابالا": افتح صفحة جديدة مع جماهير الأهلي.. واللاعب: بيقولوا عليا ميت

ناشد الإعلامي عمرو أديب، محمود عبد الرازق شيكابالا قائد فريق الزمالك، بفتح صفحة جديدة مع جماهير النادي الأهلي، وتجاوز ما مضى من مشكلات وتجاوزات وأزمات.

شيكابالا يبكي على الهواء: لاعيبة الأهلي أصحابي بس بيوصلوا للجماهير حاجات غلط عني

مفيش عريس عاوز يبوظ فرحه.. شيكابالا يروي التفاصيل الكاملة لأزمته مع أحمد مجاهد

صفحة جديدة مع جماهير الأهلي

وعلق شيكابالا خلال لقائه ببرنامج "الحكاية" المذاع على قناة "إم بي سي مصر" قائلًا: "مش أنا اللي هفتح الصفحة الجديدة مع جماهير الأهلي هم اللي يفتحوا، هم اللي راحوا المقابر بكلب أسود وقالوا عليا ميت".

موقف شيكابالا من مذبحة بورسعيد

وأضاف: "روحت النادي الأهلي كأول لاعب من الزمالك بعد مذبحة بورسعيد، وقلت للاعيبة في الزمالك مش هنلعب كورة لما عرفت أن فيه تجاوزات حصلت ضد جماهير الأهلي".

موقف المدربين الأجانب للنادي الأهلي

وتابع: "كل المدربين الأجانب بتوع النادي الأهلي بيتكلموا عني كويس لأنهم بيتعاملوا مع الإنسان، والمشكلة مش عندي مع المسئولين اللي سمحوا بالتجاوزات ضدي ومخدوش موقف ولو لمرة واحدة".

كيان الأهلي 

وأكمل: "أنا معنديش مشكلة مع كيان النادي الأهلي، وأفشة صاحبي بتاع القاضية ممكن، وحسام عاشور صاحبي، وحسام غالي صاحبي جدًا وأيضًا عماد متعب، وبحب أتفرج على أبو تريكة ومحمد بركات، وإحنا بتوع كورة مش خناق".

وقال شيكابالا، لاعب نادي الزمالك في نفس اللقاء: "معنديش مشاكل مع جمهور الأهلي، والمشكلة مش عندي أو عند اللي بيديروا الكورة في مصر، يحدث معي تجاوزات لا تحدث مع لاعب في مصر، ويذهبون للمقابر بنعش لي، ولو تم إيقاف مثل هذه الأمور لم نكن سنصل لما نصل له الآن، لما يحدث تجاوزات في الخارج من الجماهير اللاعب لا يتم إيقافه، ولكن هناك رد فعل ضد الجمهور، لو بلعب في ناد آخر لم يكن سيحدث معي ما يحدث، في كل مباراة يحدث معي نفس التجاوز وأنا فقط الذي يتم إيقافي والطرف الآخر لأ، ويحدث معي تجاوزات عنصرية مع أسرتي وزوجتي وابني".

وتابع: "أنا رد فعل على التجاوزات اللي بتحصل ضدي، ومن 20 سنة أنا بس اللي بتوقف مش حد تاني، وبيتعمل ضدي وضد أسرتي وابني ومراتي حاجات  عنصرية".

شتائم وإساءات جمهور النادي الأهلي

ولفت شيكابالا: "مباراة السوبر اللي في الإمارات كانت الناس بتشتمني وهم اللي بيبدأوا بالغلط وبعدين يلوموا على رد فعلي، وما يشوفوش إن أنا بتشتم وبيدعوا عليا وعلى ابني ومراتي، ياريت يقولوا بس أسود مش يتشالي كلب أسود ويرحوا المقابر".

حق شيكابالا

وتابع: "أنا باخد حقي بطريقتي طالما مفيش مسؤول بيجيب لي حقي من جمهور الأهلي وتجاوزاتهم ضدي، ومن 20 سنة محدش خد لي حقي، ولو حد جابلي حقي مكنتش هرد ولا هتكلم".

مشجع زملكاوي

وأشار: "هم حاسين أني قبل ما أكون لاعب كورة أنا مشجع للزمالك وواحد من الجماهير علشان كده أنا أكتر واحد بيهاجموني".

عقوبة شيكابالا

وشهدت الأيام الماضية حالة من الجدل القانوني بشأن مصير العقوبة المغلظة، التي صدرت من إدارة المسابقات في اتحاد الكرة الأحد الماضي، في حق محمود عبد الرازق شيكابالا كابتن فريق نادي الزمالك، والتي تقضي بإيقافه 8 شهور، إلى جانب تغريمه 500 ألف جنيه مصري، نظرًا لما بدر منه من سلوك غير رياضي ومحاولة التهجم بالفعل واللفظ ضد رئيس اتحاد الكرة أحمد مجاهد، خلال مراسم تسليم درع الدوري لفريق الزمالك عقب انتهاء مباراته في الجولة الأخيرة أمام البنك الأهلي، والتي أقيمت الجمعة الماضي بإستاد بتروسبورت.

الزمالك يتظلم رسميًا ضد عقوبة شيكابالا 

وأعلن اتحاد الكرة المصري تسلمه رسميًا، تظلمًا من نادي الزمالك على العقوبات الصادرة ضده من إدارة المسابقات بالاتحاد عن الأحداث التي صاحبت مباراته أمام البنك الأهلي ضمن الجولة الأخيرة لمسابقة الدوري الممتاز.

وأحال الاتحاد المصري لكرة القدم التظلم إلى لجنة الاستئناف بالاتحاد برئاسة المستشار عادل الشوربجي للنظر فيه.