18 يوم وأنا راقد في السرير.. شريف مدكور يكشف آخر تطورات حالته الصحية
قال الإعلامي شريف مدكور: إنه جليس الفراش منذ 18 يومًا بسبب إصابته بالصفرا، وأنه يشعر بتحسن.
مرض شريف مدكور
وكتب الإعلامي شريف مدكور على صفحته الشخصية بموقع التواصل الاجتماعي "فيس بوك": "بقالي ١٨ يوما نايم في السرير بس الحمد لله في تحسن".
وكان الإعلامي شريف مدكور أعلن يوم 4 أغسطس الماضي إصابته بالصفرا عبر حسابه على موقع الصور "إنستجرام".
وكتب شريف مدكور: كنت خايف من الكورونا جالي الصفرا.. الحمد لله راحة أسبوعين في السرير مع الكثير من العسل الأسود".
انتقاد شريف مدكور
على جانب آخر، كان الإعلامي شريف مدكور، تعرض إلى الانتقادات، الساعات الماضية، بسبب التحدث بصراحة حول رفضه التام التجاوب وتقديم المساعدة إلى أفراد يطلبون الأموال منه عبر مواقع التواصل الاجتماعي على سبيل «السلفة» لمساعدتهم في تسديد ديونهم، موضحًا أنه يوافق على دعم الأشخاص من الأهل والأصدقاء والمعارف وليس الغرباء.
وقال الإعلامي خلال بث مُباشر، عبر صفحته الشخصية بـ«فيسبوك»: «الفيديو بعمله بسبب بوست خاص بموضوع (محدش يطلب مني فلوس) ناس كثيرة هاجمتني مش عارف ليه وبقى تريند، يعني إيه حد ماعرفوش يبعتلي على الفيسبوك -بيحصل لي كل يوم تقريبًا- يقولي عايز استلف 50-100 ألف جنيه أولًا اللي بيتزنق في فلوس عمره ما يبعت لحد ميعرفوش، هيبعت لأخوه أو لخاله أو لخالته وحد من أهله».
وتابع: «أنا شخص صريح وناس قالوا غليظ القلب وقلة أدب الحقيقة فلوسي بشقى بها إزاي أديها لحد معرفوش لكن لو أصحاب وأهلي هسلفه عشان عارف أنه هيرجعها لي، فإزاي واحدة تقولي عايزة 100 ألف جنيه عشان اشتريت حاجات من ورا جوزي عشان هتفضح، هل يا جماعة دا طبيعي أو واحد يستلف 6 آلاف جنيه عشان سداد قسط الموبايل.. ليه اشتريته لما مش معاك فلوسه؟».
واستكمل: «وناس تقولي خسارة فيك الدعاء اللي بتدعهولي لما كنت عيان وعندي سرطان، محدش يذل حد في الدعاء، وأنا مطلعتش قلت ادعولي لما كنت عيان.. عيب حد يبعتلي يذلني على الدعاء اللي دعهولي، وأنا حبيت أوضح لأني حسيت أني مش فاهم وأه قلت على قد لحافك مد رجليك.. وتعليقات الناس في منتهى السخافة أنا بوضح لو حد أعرفه من اللي حواليا عيني له لكن حد معرفهوش ومش صديق عندي على فيس بوك إزاي محبه فيّا بيطلب مني 100 ألف جنيه».
وكان شريف مدكور أطلق رأيه بصراحة، وتسبب في غضب الكثير من المُتابعين، حيث قال: «صباح الخير ياريت محدش يبعت يطلب مني أنه يستلف فلوس علشان أنا ضد الموضوع ده، أنا عارف إن الحياة صعبة بس على قد لحافك مد رجليك شكرًا».
