قبل طرحها.. كلمات أغنية أحمد كامل الجديدة "على عيني"
يستعد المطرب الشاب أحمد كامل لطرح أحدث أغانيه "على عيني"، المقرر طرحها خلال الفترة المقبلة.
تقول كلمات أغنية أحمد كامل الجديدة: "وعلى عيني أشوفك جاية قدامي وأبص بعيد
على عيني تفوت بينا الليالي وتنتهي المواعيد
على عيني اقول للناس.. حكاية وانتهت وخلاص
وأنا في سري بحبك تاني كل أما أقول هاحب جديد".
حالة نفسية سيئة
وفي وقت سابق، أعلن المطرب أحمد كامل أنه يمر بحالة نفسية سيئة، خاصة في ظل ظروف كورونا، حتى إنه وصل لمرحلة الاكتئاب.
وكتب أحمد كامل، عبر خاصية "الإستوري" بحسابه على "إنستجرام": "بقالي فترة طويلة جدا مليش نفس أغني، وبعمل أغاني بسمعها لوحدي، حالة عمري ما وصلتلها، ومفيش بني آدم واخد باله من اللي أنا فيه، شبه مكتئب، بس من ناحية كام حاجة، وبقيت بحس إن الأغاني شغل وبس، وبدأت أفقد الشغف تجاه الشيء الوحيد اللي حبيته من كل قلبي، ومستنتش منه يحبني، بس هو حبني وبعتكم ليا".
وتابع: "كل اللي عايز أقوله من الكلمتين دول، إن الفترة دي خلصت، ورجعت زي ما أنا وأحسن، أحمد كامل رجع أقوى 100 مرة، مختلف تماما، والفترة دي مع قعدتي في البيت علشان الكورونا؛ علمتني اللي الدنيا كانت هتعلمهولي في 10 سنين قدام، جوايا غضب والله العظيم عمره ما كان جوايا، غضب إيجابي تجاه كل حاجة، مخليني عايز أكسر الدنيا بحالها، وأقول للكون كله، ده أنا، اللهم لك الحمد والشكر على أي نعمة رزقتني بيها، ويارب يا كريم في اللي جاي، اجهزوا".
حفل زفاف أحمد كامل
يشار إلى أن المطرب أحمد كامل احتفل بزواجه من نسمة الحرايري مؤخرًا، بحفل زفاف كبير في نادي الشرطة بحضور مجموعة من نجوم الفن والرياضة.
وحرص العديد من نجوم الساحة الفنية على مشاركة كامل فرحته، منهم الفنان محمود العسيلي ونجم الأغنية الشعبية محمود الليثي والمطرب تامر عاشور، بجانب الفنان شيكو والمنتج محمد محسن جابر والمخرج حسام الحسيني والمنتج مصطفى السويفي مع نجوم الكرة المصرية أمير مرتضى منصور ومحمد أبو جبل ومحمد صبحي ومصطفى محمد ومحمد عبد السلام.
كما شارك في الحفل كل من زاب ثروت وأدهم سليمان وأسامة الهادي وصلاح بيجاتو وعبد الرحمن رشدي ومعتز ماضي وأحمد نهاد، والملحن إيهاب عبد الواحد والموزع أحمد طارق يحيى والموزع نابلسي إضافة إلى رموز السوشيال ميديا مثل خالد مختار وعمرو راضي وعلي غزلان وحسام أنتيكا.
