رسالة كهربا للجمهور تثير جدلا.. والنشطاء: احنا منعرفكش شخصيا
عبر لاعب الأهلي محمود كهربا عن امتنانه لمشاعر جمهوره وحبهم له، قائلًا: "إن حب الناس كنز غالي لا يشترى بالمال"، موجهًا رسالة تقدير لجمهوره ومتابعيه، الأمر الذي أثار جدلًا بين جمهورة ومتابعيه، وطالبوه بالعودة بقوة للنادي الأهلي وإثبات ذاته في الملعب.
وكتب محمود كهربا تغريدة على تويتر قال فيها: "حب الناس والقبول كنز غالي لا يشترى بالمال ولا يطلب بالقوة ولا يغتصب بالمناصب بل هي نعمة من الله يضعها في القلوب".
رسالة كهربا تثير جدلا
وتفاعل متابعو كهربا وجمهوره مع رسالته، فقال محمد ابراهيم أهلاوي:"قول لك كلمتين يا كهربا وبعد كده يا تثبت نفسك أمام النادي الأهلي اولا وجمهور النادي الأهلي ثانيًا احنا بنحبك يا كابتن كهربا جمهور النادي الأهلي بيحبك ولكن بيحب النادي الأهلي اكتر من اى حاجه في الدنيا احنا جمهور النادي الأهلي معاك وكلنا ثقة فيك انك عندك كتير لسه".
ورد وائل علي عيسى: "الكلام ده بينك وبين الناس في منطقتك، انما بالنسبة لنا احنا منعرفكش شخصيا انت لاعب كوره هحبك لو ركزت في الملعب وحققت انجاز لفرقتي".
وردت دودي:"الناس كلها بتحبك لانك تستاهل ربنا يوفقك يا كهروب".
وتعرض نجم النادي الأهلي المصري ومنتخب "الفراعنة"، محمود عبد المنعم كهربا، لحادث مروري خطير، الجمعة الماضي، تحطمت فيه سيارته الخاصة".
وعلق تيتو قائلًا: " انت مش محتاج دعم من حد يا كهربا، عارف انت محتاج ايه؟ انت محتاج تنسي ان فيه حد بيبص عليك وبيقيمك. انت مش محتاج تثبت أي حاجه للناس دي. العب لعبك العادي، العادي بس من غير متفكر في أي حد. هترجع احسن من زمان. مجرد رأي".
نتمنى نشوف كهربا
وقال ربيع أو ريتال "حبيبي خلاص فاضل الحلو حبة وترجع كهرباء بتاع اتحاد السعودي الي عارفينه ان شاء الله الله يحفظك ويحفظكم جميعا ان شاءالله وعقبال الدوري ال٤٣انشاء الله".
وأضاف حسام محمود:" نتمني نشوف كهربا الفولت العالي اللي عنده ثقة في نفسه اللي مش محتاج يثبت لحد أنه لاعيب كبير علشان هو فعلا لاعب كبير واحنا واثقين من كدة دوس على الكورة وخليها تحت رجلك وارجع لمستواك واحنا وراك وفضهرك".
حادث سيارة
وكان لاعب الأهلي محمود كهربا تعرض في شهر يونيو الماضي لحادث، تعرضت فيه سيارته لضرر كبير، ونشر حينها صورة للضرر الذي لحق بالسيارة وكتب عبر حسابه على إنستجرام "قدر الله وما شاء فعل.. الحمد لله على كل شيء".
وبدت سيارة كهربا، وهي من نوع بينتلي، ذهبية اللون، وهي محطة الجانب، كما انفصلت الإطارات عن مكانها المخصص.
يذكر أن محمود كهربا انتقل لصفوف الأهلي، في ديسمبر 2019، في صفقة انتقال حر أشعلت الشارع الرياضي في مصر، فكان يلعب لنادي ديبورتيفو داس أفيس البرتغالي بعد مشاكلة مع نادي الزمالك ومنتخب مصر الوطني، وحاليًا يلعب مع النادي الأهلي.
