الحزن يخيم على المصريين لخسارة منتخب مصر لكرة اليد.. والنشطاء: حرام نخسر

حالة من الحزن خيمت على مواقع التواصل الاجتماعي لخسارة منتخب مصر لكرة اليد أمام المنتخب الفرنسي 23/27 في المباراة نصف النهائية لكرة اليد في أولمبياد طوكيو 2020، وبرغم الحزن لكن النشطاء دعموا المنتخب المصري لكرة اليد، مؤكدين أنهم فخورين بلاعبي المنتخب، وطالبوهم بعدم ببذل مزيدًا من الجهد للحصول على الميدالية البرونزية في مباراتهم المقبلة.

أولمبياد طوكيو | منتخب اليد يخسر أمام فرنسا في نصف النهائي

أولمبياد طوكيو | منتخب اليد يتعادل أمام فرنسا في الشوط الأول

وقال روني بن أشرف " دا احنا فخورين بيهم مهما حصل عشان هما رجالة ويستحقوا مننا  كل الاحترام وحسبي الله ونعم الوكيل ف حارس فرنسا منه لله هيخسروا الماتش الي جاي #منتخب_اليد". 

حرام نخسر

وأضاف حسام " والله حرام اننا نخسر حرام بجد الجيل دة لازم ياخد ميدالية او كاس، هو احنا ليه عمرنا ما ننافس المنتخبات اللي حظها في الميداليات والكؤوس بحسه بيجيلهم بدون تعب، احنا معمولنا عمل ولا ربنا غضبان علي العرب ولا الكوكب بيكرهنا في اي بجد ليه العرب مبيوصلوش العالمية.. #منتخب_اليد".

وعلقت أسماء فضيل: "يحي خالد دموعك غالية اوى #منتخب_اليد رجالة". 

ورد محمد صلاح عليش:" غاليه علينا دموع يحيى خالد دي والله عمل ماتش كويس وبطوله عظيمه ومستوى عظيم عموما.. #منتخب_اليد". 

هارد لك

وقال أحمد رضا: " هاردلك يا رجاله شرفتونا وعملتوا اللي عليكم ان شاء الله ميدالية برونزية.. #منتخب_اليد". 

وأضاف عمرو علي "هارد لك لرجالة اليد.. منتخب عالمي وكان يستحق المنافسة على الذهب لكن قدر الله وما شاء فعل!! شكرًا يا ابطال وان شاء الله نحقق البرونزية! #منتخب_اليد". 

وقال كريمو روسو "انا كنت اشاهد قناة فرنسية والخطأ اللي كان على يحيى الدرع كان المفروض يكون ضربة جزاء لمصر والمذيعة الفرنسية قالت للمذيع الحمد لله ان الحكم انقذنا لان قدم اللاعب المصري كانت داخل المنطقة والمذيع قالها بهذا هو رجع لنا حقنا في الهدف الملغى.. #منتخب_اليد".

لعنة نصف النهائي

أما إبراهيم بوجا فعلق قائلًا: "احنا في لعنة بتصيبنا في ماتشات نص النهائي... ماهو مش معقول كل مرة نخسر كده #أولمبياد_طوكيو_2020 #منتخب_اليد".

وقال ضياء الدين حسن "كفاية إنكم خليتونا نحلم. شكرًا رجالة اليد #منتخب_اليد".

وأضاف محمد أبو حطب "قدمتوا الي عليكوا وشرفتوا مصر كلها وحقيقي الواحد كان ليه الشرف أنه بيشجعكوا فريق عظيم ورجاله كلهم وإن شاء الله البرونزية من نصيبنا كنتم خير فريق يمثل مصر.. #منتخب_اليد"
ونصح محمود الطيب قائلًا "عشان تكسب بطولة عالمية فى اليد لازم يبقى عندك جون يقدر يقلب موازين المباراة، لازم سقف طموح لاعيبتنا يعلى بعد طوكيو 2020 ونبنى عليه عشان نفوز ببطولة عالمية فى المستقبل القريب بإذن الله... #منتخب_اليد".