أبرزهم بشرى.. تامر حسني يحتفل بنجاح أغنية "صعبة" رفقة أصدقائه
احتفل الفنان تامر حسني بنجاح أغنيته الجديدة "صعبة" التي طرحت منذ أسبوع واحد، على موقع الفيديوهات الشهير "يوتيوب".
ونشر "تامر" مقطع فيديو من خلال خاصية "ستوري" عبر موقع "إنستجرام"، أثناء احتفاله بنجاح "الأغنية" وسط أصدقائه المقربين وكان من ضمنهم الفنانة بشرى.
أزمة حلا شيحة وتامر حسني
وفي سياق آخر كانت الفنانة حلا شيحة هاجمت تامر حسني بعد تجاهله لها وطرحه فيديو كليب "بحبك" من فيلم "مش أنا"، والذي يتضمن مشاهد رومانسية تجمعه بها، رغم أنها نشرت عبر صفحتها الشخصية منشورا كشفت فيه تبرؤها من العمل في الوقت الراهن.
وكتبت حلا شيحة عبر حسابها بموقع "إنستجرام" مهاجمة تامر حسني: "أنا اتفاجئت جدا بنزول كليب يجمع فيه مشاهد متفرقة من الفيلم وخصوصا بعد آخر بوست نزلته ووضحت فيه أنا إيه.. واتفاجئت أكتر خصوصا بعد وعد تامر حسني ليا وتأكيده إنه هايحترم رغبتي وبعض الطلبات اللي طلبتها منه بكل احترام وود الصيف اللي فات وأكد لي إنه هايحترم رغبتي".
وأضافت: "احنا يمكن نجحنا بمقاييس الدنيا.. بس صدقوني بمقاييس ربنا احنا لم ولن ننجح.. أنا عارفة ومتأكدة إن زملائي جواهم خير بس للأسف فتنة الشهرة والنجاح مش بتخلينا نشوف ونقيس الأمور صح.. باتكلم من قلبي الكليب ده ميرضيش ربنا وأنا عيطت لأني شفت نفسي في المشاهد دي.. دي كانت زلة نتيجة ظروف مريت بيها وكلنا بنغلط ولازم نغلط علشان إحنا بشر بس المصيبة إننا بنغفل وننسى".
وتابعت حلا شيحة: "أنا مش هاتكسف من حد.. أنا تبت من المشاهد دي وهي لا تصح وأنا غلطت وبصلح، وأهم حاجة إن ربنا يرضى عني لأن في الآخر ده اللي هاينفعنا مش الشهرة ولا النجاح.. لا هو مش نجاح أصلا علشان النجاح الحقيقي حاجة تانية خالص إحنا أغلبنا ناسينها، إلا القليلين منا.. الفن لو بيخلينا نبعد عن منهج ربنا ومنبقاش قدوة لولادنا يبقي باطل وميبقاش فن".
