حمو بيكا: أنا مش بقلد محمد رمضان وبشتري العربيات بالقسط
نفى مؤدي المهرجانات حمو بيكا تقليده للفنان محمد رمضان في التباهي بسياراته وممتلكاته.
وقال حمو بيكا أثناء استضافته في برنامج "الوسط الفني" الذي يعرض عبر شاشة "الحدث اليوم":" أنا مابقلدش محمد رمضان مش سكتي وأنا بشتري العربيات بالقسط، أنا ممعيش عربية واحدة في التوكيل والتانية في المرور، ومعايا سواق وبحاسبه باليومية".
عصام كاريكا وحمو بيكا
وفي سياق آخر، كان الفنان عصام كاريكا اتهم مطرب المهرجانات الشعبي حمو بيكا، بسرقة لحنين من ألحانه، ووضعها دون وجه حق على أغنتين من أغانيه.
وتابع عصام كاريكا خلال مداخلة مع قناة "الحدث اليوم": "اكتشفت أن حمو بيكا سارق لحنين من بتوعي، واحدة بتاعت أغنية البسكلته اللي كنت عاملها للفنان محمد سعد، وتعدي فترة وألاقيه واخد لحن أغنيتي التانية بتاعة بوم بوحه، وبعدها تواصلت معاه وقالي هشوف".
فيما رد عليه حمو بيكا خلال حلوله ضيفًا على البرنامج قائلا: "أنا كلمت شركة مزيكا وقالت لي إن الألحان دي بتاعتهم والحقوق الملكية خاصة بيها، أنا أخدت اللحن من أخويا الكبير ولو عايزني أشيله من على يوتيوب واعتبرها مش موجودة".
