بعد الهجوم العنيف.. كيف تعامل تامر حسني مع تصريحات حلا شيحة
أثيرت حالة من الجدل الواسع عبر مواقع التواصل الاجتماعي المختلفة، حول تصريحات الفنانة حلا شيحة و تبرئها من كليب "بحبك" الذي ورد ضمن فيلم "مش أنا" بطولة الفنان تامر حسني.
وشنت حلا شيحة هجوما على تامر حسني عبر حسابها على إنستجرام، وقالت إنه وعدها بحذف مشاهد الكليب، وفوجئت بعدم تنفيذ وعده، ووجهت رسائل لـ زملائها بالوسط الفني.
تصريحات حلا شيحة فتحت عليها أبواب الهجوم والانتقاد حتى اضطرت لإغلاق خاصية التعليق، فيما قابل تامر حسني الأمر بهدوء تام ورد على حلا بموضوعية شديدة.
رد تامر حسني الهادئ
وكتب تامر حسني عبر صفحته على فيس بوك: "نهاركم جميل يا أغلى الناس.. الحقيقة عمري ما بتخيل إني أدخل في نقاش بالشكل ده مع زميل باحترمه، وكان فيه بيننا كل خير.
للتوضيح بما إنك يا حلا كتبتي بوست وأشركتي الجمهور الكريم معانا بدل ما كنتي تكلميني شخصياً ونتناقش بيني وبينك، فأنا مضطر أرد هنا برضه.. أولاً أنا عمري ما وعدتك إن الكليب مش هاينزل ده ماحصلش اصلاً يا حلا.. مش أنا خالص اللي أوعد وأخلف.. الحقيقة إني احترمت كلامي معاكي ووعدتك أشيل مشاهد تانية طلبتيها وشيلتها بالفعل وشكرتيني عليها ولو حابة تفتكري المشاهد اللي اتشالت بعد إذنك روحي شوفيها في المونتاچ عند الأستاذ عمرو عاكف أو كلميه يبعتها لك، كلها موجودة".
وأضاف تامر: "وبعدين الفيلم بقاله ٣ أسابيع في السينمات والكليب موجود جوه الفيلم.. هو بالنسبة لك الحرام إننا ننزل الكليب على اليوتيوب بس؟!! إنما الكليب يتشاف جوه السينمات عادي؟! منطق غريب فعلاً يا حلا، وبعدين هو مش انتي اللي مضيتي عقد وتقاضيتي عليه مبلغ كبير علشان الدور ده بعينه؟!! هو مش انتي اللي صورتيه ومثلتيه بنفسك وبمنتهى الرضا واللاّ حد أجبرك ؟!! وللتوضيح للجمهور الكريم أنا والمخرجة الأستاذة سارة وفيق بعتنا لك، وكنا بنتحايل عليكي تيجي تشوفي شغلك قبل إصدار الفيلم علشان لو عندك أي ملحوظة تقوليها، ماكنتيش بتردي علينا وتليفوناتك كلها كانت بتقفل في وشنا".
وتابع تامر: "إنتي للأسف يا حلا متعاملتيش صح مع الموقف.. كان لازم تهتمي بأمرك أكتر من كدة ولو كان ليكي أي طلب تاني كنت هاعمله بكل حب، إنما انتي فجأة اختفيتي وماكملتيش تركيب صوتك في الفيلم ولا جيتي تتصوري عشان أفيش الفيلم أصلا وماخليتيناش نعرف نعمل أفيش مجمع !!! وبقيتي تقفلي تليفوناتك وتكنسلي علينا كلنا وبعدين أي فيلم بيبقى ليه خطة مسبقة في الدعاية وانتي عارفاها كويس ووافقتي عليها وده كليب رومانسي.. يعني معقول كنتي عايزة المنتج يشيل كل مشاهدك اللي صورتيها من الكليب، ويطلعني باغني وباقول الكلام الرومانسي ده للأستاذ ماجد الكدواني مثلاً هو ده يُعقل ؟؟!!".
واستطرد: "أنا زعلان منك جداً يا حلا على مفردات البوست بتاعك الغير موفقة.. ومستحيل هارد بطريقتك اللي فيها تجريح واتهامات باطلة ليا احتراماً لحاجات كتير يمكن فايتاكي، بس مش هاتفوتني.. وعلى فكره انا واثق انك عارفة إني مستاهلش منك كدة وهاكتفي بالتوضيح ده وربنا يهدي الجميع ويكتب لك كل الخير.. اللهم آمين".
وبعد رد تامر حسني الهادئ ازداد الهجوم نوعا ما على حلا شيحة، ولا تزال الأزمة محل جدل شديد عبر مختلف مواقع التواصل الاجتماعي.
وشنت حلا شيحة هجوما على تامر حسني عبر حسابها على إنستجرام، وقالت إنه وعدها بحذف مشاهد الكليب، وفوجئت بعدم تنفيذ وعده، ووجهت رسائل لـ زملائها بالوسط الفني.
تصريحات حلا شيحة فتحت عليها أبواب الهجوم والانتقاد حتى اضطرت لإغلاق خاصية التعليق، فيما قابل تامر حسني الأمر بهدوء تام ورد على حلا بموضوعية شديدة.
رد تامر حسني الهادئ
وكتب تامر حسني عبر صفحته على فيس بوك: "نهاركم جميل يا أغلى الناس.. الحقيقة عمري ما بتخيل إني أدخل في نقاش بالشكل ده مع زميل باحترمه، وكان فيه بيننا كل خير.
للتوضيح بما إنك يا حلا كتبتي بوست وأشركتي الجمهور الكريم معانا بدل ما كنتي تكلميني شخصياً ونتناقش بيني وبينك، فأنا مضطر أرد هنا برضه.. أولاً أنا عمري ما وعدتك إن الكليب مش هاينزل ده ماحصلش اصلاً يا حلا.. مش أنا خالص اللي أوعد وأخلف.. الحقيقة إني احترمت كلامي معاكي ووعدتك أشيل مشاهد تانية طلبتيها وشيلتها بالفعل وشكرتيني عليها ولو حابة تفتكري المشاهد اللي اتشالت بعد إذنك روحي شوفيها في المونتاچ عند الأستاذ عمرو عاكف أو كلميه يبعتها لك، كلها موجودة".
وأضاف تامر: "وبعدين الفيلم بقاله ٣ أسابيع في السينمات والكليب موجود جوه الفيلم.. هو بالنسبة لك الحرام إننا ننزل الكليب على اليوتيوب بس؟!! إنما الكليب يتشاف جوه السينمات عادي؟! منطق غريب فعلاً يا حلا، وبعدين هو مش انتي اللي مضيتي عقد وتقاضيتي عليه مبلغ كبير علشان الدور ده بعينه؟!! هو مش انتي اللي صورتيه ومثلتيه بنفسك وبمنتهى الرضا واللاّ حد أجبرك ؟!! وللتوضيح للجمهور الكريم أنا والمخرجة الأستاذة سارة وفيق بعتنا لك، وكنا بنتحايل عليكي تيجي تشوفي شغلك قبل إصدار الفيلم علشان لو عندك أي ملحوظة تقوليها، ماكنتيش بتردي علينا وتليفوناتك كلها كانت بتقفل في وشنا".
وتابع تامر: "إنتي للأسف يا حلا متعاملتيش صح مع الموقف.. كان لازم تهتمي بأمرك أكتر من كدة ولو كان ليكي أي طلب تاني كنت هاعمله بكل حب، إنما انتي فجأة اختفيتي وماكملتيش تركيب صوتك في الفيلم ولا جيتي تتصوري عشان أفيش الفيلم أصلا وماخليتيناش نعرف نعمل أفيش مجمع !!! وبقيتي تقفلي تليفوناتك وتكنسلي علينا كلنا وبعدين أي فيلم بيبقى ليه خطة مسبقة في الدعاية وانتي عارفاها كويس ووافقتي عليها وده كليب رومانسي.. يعني معقول كنتي عايزة المنتج يشيل كل مشاهدك اللي صورتيها من الكليب، ويطلعني باغني وباقول الكلام الرومانسي ده للأستاذ ماجد الكدواني مثلاً هو ده يُعقل ؟؟!!".
واستطرد: "أنا زعلان منك جداً يا حلا على مفردات البوست بتاعك الغير موفقة.. ومستحيل هارد بطريقتك اللي فيها تجريح واتهامات باطلة ليا احتراماً لحاجات كتير يمكن فايتاكي، بس مش هاتفوتني.. وعلى فكره انا واثق انك عارفة إني مستاهلش منك كدة وهاكتفي بالتوضيح ده وربنا يهدي الجميع ويكتب لك كل الخير.. اللهم آمين".
وبعد رد تامر حسني الهادئ ازداد الهجوم نوعا ما على حلا شيحة، ولا تزال الأزمة محل جدل شديد عبر مختلف مواقع التواصل الاجتماعي.
