نرمين الفقي عن مواصفات شريك حياتها: لازم يكون حنين

قالت الفنانة نرمين الفقي: "أنا مش  قلقانة من حكاية قطر الجواز، وكنت هرتبط بس الجوازة لم تكتمل".


قطر الزواج

وأضافت خلال لقائها ببرنامج "كلمة أخيرة" الذي تقدمه الإعلامية لميس الحديدي بقناة "أون إي": "مش قلقانة من حكاية قطر الزواج، ولو أنا اتحبيت بجد هتجوز وببحث عن راجل يراعي زوجته بجد.. ممكن كنت ارتبط اكتر من مرة ولكن محستش إني اتحبيت بجد".


زيجات لم تكتمل

وأكدت: "اتقدملى اكتر من شخص كويس للزواج ولكن كانت رغبتهم إني مكملش في التمثيل، فكنت بضايق جدا لأن الفن ده شيء جميل ومحترم، وجالي حد من السلك الدبلوماسي وقبلت إني اسافر معاه وكنت هعيش معاه كزوجة وابعد عن التمثيل ولكن الارتباط مكملش علشان أفضل مكملة في الفن وكنت هابعد عن الفن وابقي زوجة وحبيته ولكن مع المعاشرة والحياة اكتشفت حاجات خليتني اتراجع".

إحساس الحب

وأكملت: "نفسي أحس بالإحساس الطبيعي للحب بجد..اتمني ربنا يراضيني بحد كويس ولو بصيت للفلوس كنت ممكن اتجوز مليارديرات".


صفات الزوج

وأوضحت: "أهم ميزة في الشخص اللى ارتبط بيه لازم يكون نفس المستوي الثقافي والأسري وميكونش سليط اللسان أو عصبي ويكون انسان حنين وطيب ويكون رجل بمعني الكلمة غير كده عمري ما هفكر في الإرتباط ومش خايفة من الزمن ولا الوحدة  لأن الهم بيعجز والحب في الأول والاَخر رزق".