مصر العزيزة في ثورة كالطوفان

شلاليت

لما الجميع يشتكي..الناس حتعمل إيه!

من اللي حادث وواقع واللي عايشين فيه


قولوا لي إيه الحكايه أصلي مش فاهم


الصح فين والغلط في بلدنا قولوا عليه

طيب قولوا لي أعمل إيه لمَّا العباد تشكي

وأقول لك إيه وللا إيه ما تخلنيش أحكي

أنا بشوف كل يوم حاجات تزيد شكي


لو قلتها ربما كل واحد في العباد يبكي



الشعب في كلمته العدل والإنصاف


لما يقول كلمته نشيله ع الأكتاف


لأن هوّ الأساس في كافة الأطياف


والشعب لو يشتكي الناس ضروري تخاف





حتقول لي إيه وللا أقول لك إيه يافندينا


وكل يوم فيه حروب ودمار يبكينا


وشكوى من ناس كتير في ميدان بتكوينا


وتقول لنا إسمعوا كل اللي مؤذينا





عايزين مصارحة ما بين حاكم وبين محكوم


وفكرمدرك وواعي لهدفه بين القوم


وبلاش بقى كل حبة نعدم المعدوم


ونقول كلام فيه غلط مفيش لسرده لزوم





أنا قلت كل اللي عندي لكافة الخلان


وأقول لكل الشباب قولوا كمان وكمان


مصر العزيزة في ثورة كالطوفان


تقدر تفجر طاقتها في لحظه كالبركان