أنا نفسي أقول لشبابنا الزين.. لازم تعرفوا رايحين على فين| ساخرون

أبين زين
أبين زين.. وأقول على المستخبي واللي مش معروف.. واضرب في ودعي وتمللي بدعي.. والمستخبي بقوله ع المكشوف




أنا نفسي أقول لشبابنا الزين.. لازم تعرفوا رايحين على فين..

وبدون نزاعات وبدون خصومات.. اتحدوا وكونوا متضامنين.. فشبابنا الواعي بفكر رزين.. عارفين مصالحهم مش تايهين..

وفي قلب ميدان شعبنا واقفين.. ولكل مُفجر للبراكين.. بيقولوا العلم دا صرح متين.. مش ممكن نبقى مختلفين.. في هدف ثورتنا شمال ويمين.. لكن بالوعي نكون صاحيين.. ماشيين وبكل ثبات عارفين..

الجامعة طريق لشبابنا الزين.. يتخرج منها رجال صامدين.. ونصيحة لكل المندسين.. ونصيحة لكل المنخدعين.. جامعاتنا صروح للعلم متين.. بها قادة وسادة لهم شاهدين..

ونظام معروف تحكمه قوانين.. وانتم يا شباب مصر الميامين.. خايف تندس ما بينكم عين.. وتحاول تعمل ألف كمين.. لشباب بيناضل حر أمين.. ضحوا بشبابهم مش خايفين..

أنا عايز أقول وبفكر رزين.. الناس مش فاضية لناس مجانين.. رافضين العلم ومنحرفين.. وشبابنا نموذج

للملايين.. وأقول للمخلص والثائرين.. يا شبابنا يا واعي انتم قادرين..

على ضبط النفس في دنيا ودين.. وانتم يا شباب الجيل عارفين.. كلامي القاسي لمنحرفين.. وانتم بطبيعة الحال فاهمين.. ومنايا أشوفكم مبتسمين.. وبكل مجال أبطال ناجحين.