يا مغرمين قصيدة لمحمد عبد العظيم

والعشق لو كان بالظروف
يبقى اللقا وهم وسراب
أنا لو بكيت على حب تاه
تبقى الحياة أسوأ عقاب
لسه النصيب
عندك حبيب؟
تلاقيك بتحلم باللقا ده من زماااان
وإن كنت مش لاقي الأمان
احلم كماااان
سهم الهوى يوم ما اترمى
كان لسه بيشوف الودع
لكنه كان شهم وجدع
يا هل ترى بكرع اللي جاي
جايب معاه في العتمة ضي؟
هي العيون تعرف تخون
أو حتى تنكر حبها
طول ما الحنين بيضمها؟
يا غلبها
اوعاك تكون عايش وحيد
طعم البعاد مر وأكيد
لساك بتشتاق للغرام
لساك تماام
ولا الحكاية مسخت فيها الكلام
هو اليقين
جواب لكل المشتاقين
والعاشقين
أنك تداري وسط أنفاسك أنين
وأنك تقابل قلب مليان بالحنين
وأنك تعوض كل حرمان السنين
يا مغرمين
الحب حالة من البراح
بيخلي كل الكون نجاح
والحظ مهما جه وراح
بس النصيب لساه متاح