شقيق ياسمين عبدالعزيز عن أزمتها مع محمد حلاوة: "مهاترات مالهاش لازمة"

أثارت الفنانة ياسمين عبد العزيز الجدل مؤخرا بسبب خلافاتها مع عائلة زوجها السابق رجل الأعمال محمد حلاوة.

وعلق وائل عبد العزيز شقيق الفنانة ياسمين عبد العزيز على تلك الأزمة من خلال حسابه الشخصي علي موقع التواصل الاجتماعي "فيس بوك".



ياسمين عبدالعزيز 

وكتب "وائل": "ياسمين  نجمة كبيرة والوحيده في جيلها الي ليها شباك تذاكر في سينمات الوطن العربي والأعلى أجرا وده شيء يعلمه جيدا سوق الدراما والسينما في أنحاء الوطن العربي   .. افلامها ومسلسلاتها محترمه بيدخلها وبيشوفها كل العائلات بأطفالهم مش هتلاقي كلام جارح للمشاهد وبتراعي ربنا في اللي بتقدمه للناس .. وانا اظن انها سعيده في حياتها وفي قراراتها مؤخرًا.

وأضاف "وائل" قائلا: "وأظن أن الطرف الثاني سعيد بردوا في حياتهم على حسب ما نشر في الفيديو الأخير.. وأخيرا أتمنى ان كل الأطراف يركزوا في حياتهم وشغلهم بعيدا عن المهاترات الي مالهاش اي لازمه لان هيظهر ناس كتيره عايزه تاكل عيش من ورا الحواديت والحوارات ونعمل حساب أن في أطفال".

وتابع: "أتمنى نرجع نقفل على نفسينا تاني زاي زمان ونبقي مبنعملش حاجه غير شغلنا ونفرح بنجاحاتنا والباقي من عمرنا نعيشه بسعاده وسلام  ولما نيجي نرد هيبقي بشغلنا وبالارقام فقط .. وربنا يوفق ويهدي الجميع".

وفي سياق متصل وجهت "لمياء حلاوة" شقيقة رجل الأعمال محمد حلاوة، عبر حساب شقيقها على موقع الصور الشهير "انستجرام"، رسالة قوية للفنانة ياسمين عبد العزيز.

محمد حلاوة و ريهام حجاج
وظهرت لمياء حلاوة في فيديو قالت فيه: "أنا اسمي لمياء حلاوة أخت محمد حلاوة، الحقيقة أنا شفت برنامج ريهام صاحبتي وأختي ومرات أخويا وكنت فرحانه بيه وشفت إنها قالت كلام محترم وكلام من قلبها، الحاجة اللي ضايقتني وأزعجتني ودي حاجة عائلية أني فوجئت من كام ساعة كلام ميصحش يتقال".

وأضافت: "يا جماعة إحنا بقالنا 3 سنين بنتحارب ونتهاجم ويتقال علينا كلام غلط وإحنا مبنردش علشان خاطر مصلحة ولادنا وعلشان ده اللي اتعلمناه في الدنيا أن إحنا نخاف على ولادنا بس الظاهر أن في ناس تانية مش فارق معاها الكلام ده إحنا خلاص خرجناكي من حياتنا، وقفلنا صفحتك ومش بس كده مبنفتكركيش وعاوزينك أنتي كمان تركزي في صفحتك وتنسينا".