سمية الخشاب تتفاعل مع قضية الاغتصاب الزوجي: مرتكبه ربنا هيخسف به الأرض

هاجمت الفنانة سمية الخشاب على صفحتها الرسمية على موقع التدوينات القصيرة "تويتر"، ما يسمى بالاغتصاب الزوجي، ودعت الفتيات إلى عدم السقوط عند تعرضهن لذلك النوع من العنف ضد حقوق المرأة.

وقالت في تدوينة لها: "اغتصاب الزوجة زي اغتصاب الغريبة زي اغتصاب الحبيبة زي أي نوع اغتصاب في الدنيا، والمغتصب بيبقى مجرم لأنه بينتهك جسم وحقوق الإنسانة اللي معاه اللي هي جزء من "حقوق الإنسان".. أي مغتصب ربنا يخسف به الأرض أيا كانت مكانته الاجتماعية أو المادية".

وأضافت: "وأي واحده تتعرض لده متتكسفش كلنا معاكي وفضهرك، وبرافو أنه فعصر السوشيال ميديا هنقدر نوقف القرف ده".

وتابعت: "فالزمن ده عرفنا أنه ممكن يكون في أشخاص بيتكلموا أنهم ضد التحرش وهم في نفس الوقت أكبر مغتصبين ومتحرشين زي بالظبط ناس كتير بتتكلم فالدين وهم أبعد ما يكون عن الدين.. دي اسمها متاجرة والناس دي لازم تتكانسل في أقرب وقت".

تميم يونس
وكان الفنان الشاب تميم يونس خرج عن صمته، ونفى جميع الاتهامات التي وجهتها له طليقته" ندى عادل"، أمس الجمعة، بشأن تعرضها للاغتصاب الزوجي على يده.

ونشر "تميم" فيديو عبر خاصية الإستوري على موقع تبادل الصور والفيديوهات الخاص به بـ"إنستجرام"، وقال: "ردًا على الحاجات اللي بتسمعوها واللي بتتكتب دلوقتي في الجرايد، ده محصلش ومش هيحصل أبدًا".

وتابع: "أنا أول مرة أسمع عن حاجة كده زيي زيكم، وعيلتي أول مرة تسمع عن حاجة كده، ومش هاخد أي إجراء قانوني غير لما يبقى فيه تهمة واضحة وصريحة ووقتها هتصرف بالقانون".

يأتي ذلك عقب أن قامت طليقة المخرج تميم يونس بنشر فيديو، قالت خلاله: "إنه لا يوجد قانون مصري أو قاعدة شرعية تحمي المرأة من الاغتصاب الزوجي".

وأضافت: "إنها تعرضت للاغتصاب الزوجي، ولم تستطع مواجهته إلا بعد مرور عام على الواقعة"، مشيرة إلى أنه اعتذر لها بعد مواجهته.