محمد شاهين يكشف آخر تطورات حالته الصحية بعد عملية "الرباط الصليبي"

كشف المطرب الشاب محمد شاهين عن آخر تطوارات حالته الصحية بعد خضوعه لجراحة "الرباط الصليبي".

وكتب "شاهين" عبر موقع "فيس بوك":" الحمد لله فترة العلاج الطبيعي هتقعد اكتر من 3 شهور حسب كلام الدكاترة علشان امشي علي رجلي تاني زي الأول بحمدك يارب وبشكر فضلك


الهجوم على حمو بيكا

على جانب آخر، هاجم محمد شاهين مؤخرًا مطرب المهرجانات حموبيكا، بعد أن طرح الأخير لأغنية تجمعهما بعنوان "قلبي شايل وجع"، دون علمه، حيث قال"أنا مش بتاع لايف واتكلم بشكل رخيص على موضوع مهرجان مع حمو بيكا بس اللي عمله اسمه غدر وقلة قيمة من فترة كلمني حمو بيكا في التليفون روحت وسجلنا تراك وبعديها بفترة لقيت بوستر نازل عند واحد من الناس اللي بتصمم البوسترات دي من غير ما اعرف"

وتابع شاهين: "كلمت حمو بيكا قلتله ازاي قالي أنا هنزل في العيد 6 اغاني بكلمة في حقوق الأغنية أقل حاجة في حقي، يرد يقولي (أنا هاخد الحقوق كلها) على أساس أن النجم المحترم هيعرفني بالناس على أساس أن النجم المحترم أنا شغال عنده رديت قلت له الكلام دة مش هينفع وقفلت معاه بعدها بعت لمصمم البوستر وقالي أن الأغنية مش هتنزل اتفاجئ انهاردة بنزولها بدون علمي على أساس إيه"

واختتم المطرب الشاب محمد شاهين كلامه متوعدًا حمو بيكا وقال "أنا هعرف أجيب حقي كويس بالقانون".