عمرو أديب: ليه الناس بتزعل من الخصخصة | فيديو
وأضاف خلال برنامج "الحكاية" المذاع على فضائية "إم بي سي مصر"، أن مصر اليوم تصدر الكهرباء، وأنشئت بنية تحتية جديدة، موضحا: "مصر ليست أغنى من دول الخليج والإمارات بتخصص منشآت مهمة، والسعودية تخصص الكثير من المنشأت لجذب الاستثمارات، ليه الناس زعلانه من الخصخصة".
وأوضح: "إيه حالة بتاعة المصريين دول عايزين يبيعوها، ما يبيعوها هو أنت هتبقى أعز من منين.. هتبقي أعز سوني أو توشيبا أو سكك حديد بريطانيا.. هتبقي اعز من منين كل ده بيتباع والدولة يبقى دورها منظم".
وأكد: "لو تحدثنا عن مجمع التحرير.. إيه أعظم حاجة فيه سوى أن فيلم الإرهاب والكباب أتصور فيه.. إيه يعني المجمع، وهنا يأتي دور الدولة وهو المنظم هي التي تحدد نظام الاستثمار.. إيه الحالة الغريبة عندنا .. أنت هتبيع آه هبيع.. الدولة بتاخد الفلوس دي وتوجهها في استثمارات أخرى، يا جماعة الدولة بتلم من لحمها الحي.. فين الدخل.. فين الاستثمار".
وشدد: "هناك فرق كبير بين خط القطار وبين القطار، يعني إيه الإنجليز تبيع القطار الذي يسير على القضبان، واليومين دول بيتكلموا عن الصكوك السيادية، ده أداة دين، ليه ..الناس برة واقفة طابور وبتقول عايزة مصر.. هاتوا الناس بفلوسهم وتكنولوجيتهم.. دلوقتي الناس هتقول أنت عايز تبيع مصر؟ وهما كانوا باعوا السعودية والإمارات، خفوا شوية فى هذا الأمر لأن هذا يضع ضغط على صاحب القرار".
