تعليق ناري من عمرو أديب بشأن الحجز على أموال محمد رمضان

علق الإعلامي عمرو أديب، على فيديو الفنان محمد رمضان والذي أعلن فيه حجز أمواله في أحد البنوك، قائلا: "محمد رمضان بيضحك علينا كلنا، والبلد فى غنى عن فلوسه، وفلوسك ده بتاعت الطيار اللي مات.. يا راجل يا مفتري الراجل مات مش كنت تروح تودي فلوسه".

وأضاف خلال برنامج "الحكاية" المذاع على فضائية "أم. بي. سي. مصر": "محمد رمضان لديه إصرار أن يصدر للناس أن الحكومة بتحجز على فلوس الناس، أنت النهاردة بتقول للناس خلي بالك الدولة هتحجز على فلوسكم، وشيلوا فلوسكوا في البيت".

حرام عليك
وتابع: "ياراجل حرام عليك، أنت طرمخة على فلوس الراجل، ربنا كبير يا محمد ربنا كبير يا حبيبي، يا جماعة الدولة المصرية لا تمس فلوسكم ومفيش حد فلوسه راحت، مفيش واحد صحي يشرب القهوة زي محمد رمضان ويقول بلدي أخدت فلوسي، واحنا الصعايدة والفلاحين ومش عارف أية علاقة ده بده..يا محمد أنا لسة عند ندري يوم ما أكسب القضية الفلوس كلها وأنا هحط أدهم ويروحوا لمستشفي أبو الريش ..ربنا يكرمنا واخد فلوسك اللى فى البيت".

حالة من الجدل
كان محمد رمضان أثار حالة من الجدل أمس، وذلك بعدما زعم الفنان محمد رمضان التحفظ على أمواله، وهو ما تسبب في تساؤلات كثيرة، لكن المفاجأة هو رد فعل الفنانة رانيا يوسف.

فيما تفاعل آخرين بالدفاع عن محمد رمضان، حيث دشن بعضهم هاشتاج من خلال التعليق على الفيديو بالقول: "الأسطورة قال مستورة"، وهي الجملة التي اختتم بها الفيديو: "مستورة صباح الخير يا مصر".

وكان الفنان محمد رمضان أعلن عن تحفظ أمواله في البنوك، حيث قال في فيديو نشره عبر حسابه الخاص على “إنستجرام”: "صباح الخير.. صحيت النهاردة على اتصال من البنك، بيقولي الدولة تحفظت على فلوسي في البنوك، وأنا وكل ما أملك ملك بلدي، وللعلم معايا فلوس في بيتي قد فلوسي اللي في البنك ومستورة".