حقيقة تنازل حسن شاكوش عن قضية ريهام سعيد والصلح معها

كشف عدد من المقربين لمطرب المهرجانات حسن شاكوش، حقيقة تنازله عن قضية ريهام سعيد، وذلك بعدما نشبت خلافات بينهما، بسبب مطالبتها له بإحياء حفل تخرج أبنائها في الساحل الشمالي، مما تسبب في أزمة بينهما وصلت للمقاضاة.

وأكد أحد أعضاء فرقته، لـ "فيتو" أنه ما يثار حول تنازله عن القضية المقامة ضدها، غير صحيح نهائياً، ولم يكن هناك صلح، مشيراً إلى أن المحامي الخاص بشاكوش، يستعد لرفع قضية أخرى بدعوى تشويه سمعته ونشر أكاذيب عنه.

من ناحية أخرى هاجمت الإعلامية ريهام سعيد، مطرب المهرجانات حسن شاكوش، فى بث جديد عبر حسابها الرسمي على موقع "فيس بوك" مساء أمس الجمعة.



وقالت "سعيد" : "أنا عارفة إن في واحدة زقته.. فنصيحة مني يا شاكوش متخليش حد يزوقك على حد.. عشان الدنيا دوارة وممكن تلف ويتعمل معاك كده.. وأنا شايفاك حد غلبان وتم استعمالك غلط".

واستكملت: "متطلعش تتكلم على أعراض ناس عيب.. في أصول.. اطلع قول كدابة مبحبهاش.. متطلعش تقول أنا شفت حاجات مينفعش أجيب سيرتها أو أتكلم عنها.. الحاجات اللي شفتها دي أكتر من الحاجات اللي بتشوفها في الأماكن اللي بتغني فيها.. أنا دورت على عنوانك.. عشان أرفع عليك القضية لقيتك من ناهيا.. قولت منين هناك قالولي في بولاق الدكرور كده من حارة صغيرة كده.. يعني جاي من خلفية بسيطة، وناس جدعان".

وأضافت: "عيب أطلع أتكلم في أعراض حد.. غلطت في أهلي وشرفي.. وعيالي اللي بتقول شفت حاجات مش عارفة إيه أنت متحلمش تسلم على عيالي.. لأنهم ناس محترمة جدا".