خالد الصاوي يكشف كواليس ضربه ياسمين عبد العزيز في «اللي مالوش كبير» |فيديو

علق الفنان خالد الصاوي، على مشاهد العنف ضد الفنانة ياسمين عبد العزيز في مسلسل "اللى مالوش كبير"، قائلًا: "من بعد لما ضربت ياسمين عبد العزيز أصحاب مراتي بيبعتولها بيقولوا لها هو بيعمل معاكي كده في البيت.. يعني أنا أمثل دور تقوموا مراتي عليا".

مشهد ضرب ياسمين عبد العزيز

وتابع خلال لقائه ببرنامج "معكم" الذي تقدمه الإعلامية مني الشاذلي بقناة "سي بي سي": "العنف في التمثيل مهارة بين الطرفين، وياسمين عبد العزيز كانت هايلة في مشهد الضرب".



إيذاء ياسمين عبد العزيز


وأضاف: "ياسمين عبد العزيز واضحة وصريحة واللى بتحبه تحبه ومش بتجامل وأنا بحبها لأنها شبهي، وفي مشهد ضربها متأذتش منى إطلاقا وأنا أرفض على طول الخط الممثل اللى يؤذي الممثل التاني، ومشاهد الضرب لازم يبقى فيها مهارة إلى جانب مهارة التصوير، وأنا أرفض الاندماج في الضرب".

لحظة انكسار

وقال الفنان خالد الصاوي في نفس اللقاء: "انكسرت لما اتهددت النجومية بتاعتي بسبب أخطائي، وفي الفترة دي حصلي دربكة في حياتي الخاصة والفنية".

واضاف: "لما اتهددت نجوميتي اللى شقيت فيها بقيت أتخانق مع أخطائي كمحاولة للإصلاح والقضاء على خصال المعاندة والمكابرة والتبذير".

الكبر الإنساني

وأضاف: "أصبحت أميل الى العقلانية في النصف الثاني من الخمسينيات ولكن لسه معقلتش ولكن تخلصت من الكبر الإنساني".



هاجس خالد الصاوي


وأشار: "عندي هاجس دايما كمصري فرعوني علشان كده بحاول أختار العمل والدور اللي يكون مؤثر عند الناس بعد الرحيل".