مصطفي درويش لشريف دسوقي: " حقك عليا"
أعرب مصطفي درويش عن حزنه الشديد بعد خبر خضوع الفنان شريف دسوقي لعملية جراحية أدت الي بتر "ساقه".
وكتب "درويش" عبر موقع "فيس بوك":" لا حول ولا قوه الا بالله اللي حصل لشريف دسوقي ده حرام حسبي الله ونعم الوكيل في اللي كان السبب لو كان حد وقف من النقابة واتحرك قبل ما يتعمل فيه الكارثه دي كان اتلحق بس للاسف النقابه قالت لبدريه طلبه لما استنجدت بيهم أصله مش عضو عامل فمش هينفع النقابه نفسها تساعد لان ده قانون بس هنبعت مساعده شخصية. طبعا كتر خيركم وده قانون وعلي راسنا بس طاب كنتم روحوا هاتوه وقولوا لينا ما كل المنتجين والممثلين معاهم فلوس يا جدعان وكلنا هنساعده ومحدش هيتاخر حتي كنا شوفنا حل قبل ما تحصل فيه الكارثه دي ويقطعوا رجله ويترمي في مستشفي اقل ما يقال عنها تحت السلم. بجد اللي حصل ده حرام.
حقك عليا
وتابع "درويش" :"حقك عليا يا شريف سامحني والله ما كنت اعرف انك في الحاله دي حقك عليا والله وقدام الجميع اهو والله ما هسيبك لحد ما اموت انت مسئول مني مسئوليه كامله حقك عليا وحقك علينا كلنا الاستاذ جمال العدل اتكفل بمصاريف المستشفي والعلاج وأفراد والعصابه كلها متكفله بكل حاجه والاستاذه كامله جابتله طرف صناعي من احسن شركه للاطراف الصناعية. شكرا لبدريه طلبه انتي بميت راجل انتي وناس اسكندريه. (تعديل) دكتور اشرف ذكى تواصل معايا وفهمني الموقف وانا متفق معاه جدا والنقابه متكفله بمصاريف المستشفي.
بتر ساق شريف دسوقي
وكان الفنان شريف الدسوقي خضع لعملية جراحية مساء أمس الإثنين بأحد المستشفيات بمدينة الإسكندرية لبتر قدمه بعد تعرضه لجرح كبير بها. وكشف مصدر مقرب من شريف الدسوقي أن حالته الصحية كانت سيئة لدرجة كبيرة خلال الأيام الماضية بعد أزمة قدمه خاصة أنه كان مريضًا بالسكر.
