أسما شريف منير: تعلمت القراءة على البحر.. وأنصحكم بكتاب "ذكر شرقي منقرض"
قالت أسما شريف منير، ابنة الفنان شريف منير، إنها حققت ما تريده أثناء سفرها، بقراءتها لكتاب أثناء جلوسها على البحر، مشيرة إلى أنها تحب بشدة مشاهدة الأجانب وهم يقرأون أثناء جلوسهم علي البحر، وأنها حققت ذلك أثناء سفرها هذه المرة.
ونصحت أسما منير متابعيها بقراءة كتاب "ذكر شرقي منقرض" للدكتور محمد طه، ووصفته بأنه جذاب وسيفيد من يقرأه.
مشاهدة الأجانب
وكتبت أسما شريف منير على إنستجرام "دايماً كنت بحب اوي اتفرج علي الاجانب وهما قاعدين علي البحر بيقروا بالساعات، كنت بابقي نفسي أعمل زيهم بس كان خلقي بيضيق، يا الشمس جيا في عيني يا الهوا بيقلب الصفحة يا اللي حواليك بيكلموك ويقطعوا تركيزك، وده عشان انا بس كنت عايزه احقق الصورة اللي انا حباها بس وخلاص (قلودة اوي) ".
ذكر شرقي منقرض
وقالت "وأنا مسافرة المرة دي اخدت كتاب كنت اصلاً بدأته واتشديتله فا من غير ما افكر لاقيت نفسي بقرا وناسية الشمس والرمل وكل حاجة و منهمكة جداً في كل كلمة بقراها".
وأضافت:"عرفت سحر القراية في الهوا بجد احلي بكتير من القراية علي الكنبة، مش شرط علي البحر بس المهم في الهوا بجد فرق رهيب.. تحسه كده انه بيساعدك تستمتع بكل كلمة بتقراها و بتفهمها اسرع مش عارفه ليه بس هو ده اللي انا حسيته.. عايزه بقي اقولكم ان كتاب دكتور محمد طه الجديد (ذكر شرقي منقرض) رهيب كل صفحة بيحلو وبيشد، لازم تقروه هتستفادوا مفيش كلام.. ايه اكتر كتاب حبتوه غير القرآن الكريم طبعاً؟".
وظهرت أسما شريف منير بطلة جذابة مرتدية فستان أبيض اللون، وهي تجلس مسترخية وتقرأ كتاب "ذكر شرقي منقرض".
