نضال الشافعي عن أحمد السقا وأمير كرارة: ولاد أصول وجدعان

وجه الفنان نضال الشافعي عبر حسابه الشخصي على موقع التواصل الاجتماعي "فيس بوك"، رسالة دعم لكل من الفنان أحمد السقا والفنان أمير كرارة، وذلك بعد هجوم الفنانة مها أحمد عليهما، وانتقادهم بشكل لاذع.


وكتب نضال الشافعي قائلا: "مش مزايدة لكن شهادة حق لازم تتقال .. السقا أخويا والراجل الجدع وابن البلد قدام الكاميرا وورا الكاميرا.. أمير كراره ابن أصول والجدع .. والمحترم وصاحب صاحبه .. ربنا يحفظكم".


مها أحمد



وتصدرت الفنانة مها أحمد مؤشرات الأكثر بحثاً خلال الساعات الماضية على جوجل، وذلك عقب كلماتها الأخيرة التي وجهتها لصناع مسلسل الدراما الصعيدي "نسل الأغراب" خاصة النجمان أحمد السقا وأمير كرارة.


مسلسل نسل الأغراب


وقررت الشركة المتحدة للخدمات الإعلامية بوقف التعامل مع المخرج محمد سامي، خرجت وبشكل مفاجىء مها أحد لتهاجم أحمد السقا وأمير كرارة أبطال مسلسل "نسل الأغراب" وكتبت في بوست ناري عبر حسابها الشخصي بموقع التواصل الاجتماعي "فيس بوك" : "عوضي على الله دي الجمله اللى دايما بقولها لما اتصدم فاشخاص... الحكايه يا ساده نجمين عملوا مسلسل واتنجمت عليهم بنوته لسه الف باء تمثيل واديتهم على قفاهم وركبت عليهم الى ان اصبحت بطلة المسلسل وبطلة الدعاية للمسلسل وهما راضيين".


أحمد السقا وأمير كرارة

وتابعت في إشارة منها للسقا وأمير كرارة : "رغم ان طول عمرهم مبيعملوش كده مع اى زميله لهم.. انا النجم الاولانى بينى وبينه عيش وملح وزماله رشحت في مسلسل بطولته وكان بيقنعنى بدور ولما وافقت بعتولى دور تانى معرفوش دور متعملوش واحده مبتدئه المفروض انه عارف قيمتى الفنيه وعارف انى اضافه له اتهرب منى وموقفش جنبى وباعنى رغم ان الكل عارف انى زى اخته(.....) اما التانى كان في بداياته يتمنى يسلم عليا ويقولى يا استاذه نزلت من نفسى وقلتله مش هنشتغل مع بعض ما هى الحوجه مره. رد وقالى الدور بينادى صاحبه. طبعا محكلكوش قد ايه ندمت نفسى وعشت اسود ايام حياتى عياط واكتئاب".


واختتمت مها أحمد بـ : "قلت ( عوضى عليك يارب) .تمر الايام والاتنين يعلو ويتجمعوا مع بعض في مسلسل واحد( على عينهم طبعا) ويمثلوا وحش قوى تمثيل الكفار وطلعوا كمان مبيقروش اللى بيمثلوه وربنا يركب عليهم بنوته سنه اولى تمثيل وخبره ويتحول المسلسل والدعايه الدراما كامله لصالحها وهما (مخدماتيه للاستاذه) . يمهل ولا يهمل ابدوا من جديد يا اوفر تمثيل ياللى مبتقروش ياكمبارس جنب النجمه. نصيحه بلاش تتشطروا على اللى كان بينكم وبينهم عيش وملح بلاش تتشطروا على اساتذتكوا... يارب متحوجنا لحد حتى ولو كان اققرب الناس لينا".