أسما شريف منير تتغنى بجمالها في أحدث إطلالاتها: حلاوة الطبيعة اللي ربنا خلقها
شاركت الفنانة والإعلامية أسما شريف منير، متابعيها بصورة جديدة لها عبر حسابها الشخصي على موقع التواصل الاجتماعي لتبادل الصور والفيديوهات الشهير "إنستجرام".
وعلقت أسما شريف منير على الصورة بعبارة: "في حلاوة الطبيعة اللي ربنا خلقها".
وتابعت: "أسهل حاجة في الدنيا أنك تبان كويس ومبسوط بذات على السوشيال ميديا، بس الأصعب والأقوى والحقيقي أكتر هو أنك تحترم مشاعرك وتكون صادق مع نفسك، عشان لما تبقى مبسوط بجد تنقل طاقة إيجابية حقيقية للناس".
وأضافت: "كن نفسك، خد وقتك عشان يوم ما تقوم… تقوم أقوى وأنضج.. كل رحلة حتى لو وحشة فيها دروس كتير لما بتتسأل وتتمعن في كل تفاصيلها بتتعلم وبتفهم نفسك أكتر".
وقالت: "أنا فعلًا بكتشف نفسي من أول وجديد وفخورة جدًا بقوتي (أني مش بضحك على نفسي عشان أرتاح وخلاص) وبواجه نفسي وده هيفرق معايا في مشواري اللي جاي.. وحشتوني أوي".
محمود حجازي وأسما شريف منير
وفي سياق آخر، كانت الفنانة أسما شريف منير أعلنت عبر حسابها على موقع التواصل الاجتماعي، خبر انفصالها عن زوجها الفنان محمود حجازي، وكتبت أسما: "يا ريت بعد إذنكم تحترموا خصوصية الموقف، بدون الدخول في تفاصيل ولا اجتهادات ما حصلش نصيب، وربنا يكرمنا إحنا الاثنين".
كما ألغت أسما شريف منير متابعة زوجها الفنان الشاب محمود حجازي، والذي رد عليها بنفس الطريقة وألغى متابعتها أيضًا من على حسابه بموقع التواصل الاجتماعي "إنستجرام".
