مسحراتي مصر يودع رمضان بقصيدة عن كعك العيد

طوال سنوات طويلة أمتعتنا كلمات الشاعر الكبير فؤاد حداد في برنامج المسحراتي التي غناها الفنان سيد مكاوي في الإذاعة ثم انتقلت إلى التليفزيون ، ولم يكتف فؤاد حداد بالكتابة عن مسحراتي رمضان لإيقاظ النائمين لتناول طعام السحور بل امتدت كلماته أيضا إلى كعك العيد من خلال مجموعته المسحراتي.

في الأيام الأخيرة من رمضان بل وفي الساعات الأخيرة منه كتب شاعر العامية فؤاد حداد ـ رحل في مايو 1985 ـ عن العيد وكعك العيد يقول :  اصحى يا نايم وحد الدايم.. وقول نويت بكره إن حييت.. الشهر صايم والفجر قايم.. اصحى يا نايم وحد الرزاق.. رمضان كريم
 مسحراتي منقراطي خالاتي عماتي سيداتي على تل عجوة ودقيق وعسل وسمن ولا مجلس الأمن سهرانين ، لت وعجن ويبنوا الهرم..
 قالت حماة المحترم يا كعك يا سيد الكرم ..نبطلك دا فى المشمش .. يا بت قومى وفرفشى ..لا تجوشى ولا تخشى احمى الفرن واستحمشى اشى واشى..
 
تلاقيه مشى اشى نغبشى واشى حبشى  ..واشى دندشى واشى انقشى واشى ينحشى .. واشى رشرشى سكر عليه.. بركة إيديا فرحة عينيا.. قال إيه وإيه وإيه..
 
المشى طاب له والدق على طبلة  ..ناس كانوا قبله قالوا فى الأمثال.. الرجل تدب مطرح ما تحب وأنا صنعتى مسحراتى فى البلد جوال.. حبيت ودبيت كما العاشق ليالى طوال.. وكل شبر وحتة من بلدى حتة من كبدى حتة من موال

قال واحد اثنين ثلاثة واللى كان فى الجرن  ..كله انفتل وانشال وراح الفرن.. عينى على رصه راحت ولا رصة جات  .. عمال أتسحر وأنا ماشى ورا الصاجات.

قول للصاجات حيوا البازة 
كما كتب شاعرنا الجميل فؤاد حداد عن عادة عمل انتهاء رمضان ومجئ العيد  بعنوان ( قول للصاجات حييوا البازة ) اى طبلة المسحراتى يقول :
بعوده الايام يا حبايب ..وكل عام والعود طايب / والبرتقان أحمر وجديد
..اليوسفاوى صباح العيد/ قال اليافاوى ما عادش بعيد..بعوده لبلاده الغايب / وبعوده للعش زغايب ..نفرد حبالنا على الغارب /نحضن مشارق ومغارب ..بعوده الايام يا حبايب ..بعوده الايـام

انا الذى سحر طبل ..بحر قبل ..والشهر خدته من الأول / مســحـراتى على البازه ..ما قلتش ان الليل طال بى ..نلت مطالبى

يا كعكه يا دبلة قلبى .. تسلم إيدين الخبازه / قول للصاجات حيى البازه .. تسلم ايدين الخبازة  / سرحت حر فى أحضانى ..هوى أوطانى

يا حبذا فى رمضان .. ساعة السحور يا حبذا / قطعت فى الطل تذاكر
راضى وشاكر / والشمس قالت من باكر ..تضحك فى خدى الغمازه /
حكم المهيمن من فوقى ..طبلتى جوقى ..بادور ويتغير طوقى زى الحمامه القزازة .

وانده واقول خلينى كدا ..طول عمرى كدا / مش قلبى لو بطلت ندا ..
مش إيدى لو خدت أجازه ..قول للصاجات حيى البازه‏
وتعيش بلادنا العربيه ..اشتراكيه ..فجر السلام والحريه
على دول غير منحازه ..قول للصاجات حيى البازه