أصابع الفراخ الكرسب على طريقة الشيف أيمن العطار

يقدم الشيف أيمن العطار وجبة الغذاء اليوم أصابع الفراخ المقرمشة المحببة لدى الأطفال والكبار بطريقة سهلة وبسيطة.
 
المكونات:
2 صدر فراخ مقطع أصابع دون جلد أو عظم
التتبيلة بتاعة الفراخ هتكون عبارة عن:
1 بصلة مقطعة مكعبات
ربع فنجان خل
1 ملعقة كبيرة كاتشب
2 ملعقة هوت صوص
ملح وفلفل أسود
1 ملعقة حبهان بودرة
1 حبه طماطم مكعبات
2 بيضة مخفوقة
وسنحتاج للدقيق والزيت للقلى

الطريقة:
هضرب البصل والتوابل والطماطم فى الخلاط لحد مايتجانسوا بعد كده هتبل بيهم الفراخ وأحطهم فى الثلاجة لمدة نص ساعة بعد كده هجيب الدقيق وهحط عليه شوية ماية بسيطة وأفركه بإيدى كويس اوى لحد مايخرز أو يعمل حبيبات يعنى مثلا لو كوبايتين دقيق بحط عليهم نص كوب ماية وبعدين بحط عليهم شوية ملح وشوية فلفل وبعدين أحط الفراخ فى البيض المخفوق ومنها على الدقيق المفرول ده وأبطها بإيدى كويس فى الدقيق بحيث إن حبيبات الدقيق تغلف كل قطعة من الفراخ ويكون الزيت غزير وساخن أبتدى أقلى الفراخ لحد ماتاخد اللون الدهبى الجميل وبالهنا والشفا.